2 Akorinto 2:3 - Mawu a Mulluku

³ Ella sika ekaambiiwa kalembilleemi kalata wa nyuwaano. Ngaapanlle owa wa nyuwaano wi kivoriihiwe murima ni nyuwaano, athu ayo yaphwanenlle okihakallalliha. Vawi kinnadduwella wi miyaano kahakallalla sika attheenenyuttho moohakallalla.

2 Akorinto 2:3 ပူးပေါင်းရင်းမြစ်များ

Agalatiya 5:10

Nave miyaano kinnuukhulupililani mwa Apwiya wi khamukhalla ni maganizo ohiyana ni aaka navettho wi muthu oyo anawaapheellihani muru, khaya ttaani, aneerollakiwa ni Mulluku.

2 Akorinto 8:22

Vano ninamurumiha mwanamunnihu mmodda vamodda ni alliwaayo. Noomweesa olliyooyo enthawi ddinchichi nave nohoona wi annakhalla ni ntthitti nookavihera. Nave vawi annaroromella wunchichi mwa nyuwaano, ookhalla ni ntthitti nuullupalli nawi akavihere.

Filemoni 1:21

Kinnakhulupilila wi oneerokiiwellella nave kinalemba yeella wa weyaano voodduwellani wi oneereweera naari ohiyana ni mommu kinallotelleemi.

2 Akorinto 7:12

Sika naari kamulembille kalata yoolle, khe ekaamba ya muthu oochimooyo apaalle oyo eerelliwe ddoonanara. Koma kamulembille kalatooyo wi muddoone weekhiinyu vamiitthoni va Mulluku mmo wunnuwa wa ntthitti nanyu okhallelliiwa va hiyaano.

2 Atesalonika 3:4

Nave Apwiya ennanisimikizella wi munneera nnddo ninuulleelleehuni navettho muneerovirellella weera ddenndda.

2 Akorinto 12:21

Kinoova wi kawattho Mullukwaaka aneerokiwulliha muru vamiitthoni vanyu nave kineerowinllella athu anchichi ayo yachimmwe nave khenarukunuwe murima o machimwiiwa, minkhella ddoonanara ni oraruwa.

2 Akorinto 12:11

Kineera wonanko ookarangeya koma tti nyuwaano mwakiwatihenre. Nyuwaano sika muphwanenlle okitetheella. Vawi naari kiri oohikhalla ni mutteko, amurummwaanyu uullupallaalle khenakikhwaranya miyaano.

2 Akorinto 7:8

Vawi naari kalataaka aari uuvorihalleni murima, miyaano nginoonavo ello wi kaamulemba. Kahoonavo ello va enthawi yeeyo koma ohiri ollello kaambiiwa uuvorihalleni murima va enthawi yooyeva.

2 Akorinto 7:6

Koma Mulluku oyo anallipiha murima wookhumuwa, aanillipiha murima hiyaano va owa wa Tito.

2 Akorinto 1:15

Kaasimikiza dda ddeko ddittheddenenndda wi vawaamba kapaalla owa wa nyuwaano wi mudalisiwe ni owa waka wiilli.

1 Akorinto 4:21

Munapaalla tini? Kiwe wa nyuwaano ni ekopo yawuuwashullanani apaalle ni murima wa echikondi ni woomaalleya?

2 Akorinto 1:23

Mulluku tti mbonaaka, annadduwella murimaaka! Kaaganiza wi kihihokollweellewo o Korinto wi kihivirellelle wuuvoriihani murima.

2 Akorinto 2:9

Kahuulembellanittho kalata yoolla kaambiiwa kapaalla wi kidduwelle ni oweesani mwaari mwiiwellellaka mu ddeko ddittheddene.

2 Akorinto 7:16

Kinnahakallalla wi kinnuuroromellani mu erive ello.

2 Akorinto 13:10

Kinamulemba kalatoolla kihinaphiye wi kaphiya kihikhalle oowalli voopharihani mutteko olamulello oyo Apwiya yakivahilliiwa. Olamulello yoolla tti wawuullipihani ohiri wawuumwarani.