2 Akorinto 2:14 - Mawu a Mulluku

¹⁴ Mulluku athokoziwe! Vawi mu eyaattano ni Khrisitu Mulluku annanihoollella enthawi ddittheddene wi nigonjiheke. Navettho Mulluku ananiphariha mutteko woovuwiha ddoodduwella dda Khrisitu virive veko wonanko nthuko naphaama.

2 Akorinto 2:14 ပူးပေါင်းရင်းမြစ်များ

Aroma 8:37

Koma mu ddeko ddittheddenenndda ninnapambana wunchichi oweella mwa olliyooyo ananikonda hiyaano!

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Aroma 6:17

Koma Mulluku athokoziwe! Vawi naari khalle mwaari akaporo a machimo, mohiiwellella ni murimaanyu muttheene yawoona ya ehuddiho eyo munathwareenyu moohiyavo murima.

2 Akorinto 9:15

Nimuthokoze Mulluku ekaamba ya emphaswaaye yoottikhiniha wunchichi.

Akolose 2:15

Oweella mwa Khrisitu, vamutandani valle, Mulluku ahaagonjiha oolamulella attheene ni masiva mattheene ooddullu nave aanyaambusa vamiitthoni va athu attheene.

Nchipo na Solomoni 1:3

Makhuraawo awiihella ennunkhellesesa. Nnddina nawo tti makhura awunkhella oomimina, sika ekaambiiwa anamwalli enuukondelliiwa.

Masalimo 106:47

Nyu Apwiya Mullukwaahu, nivulluseni, nitthukumaniheni ovenyera variyari va athu a mitundu ddimodda wi nithokoze nnddina nanyu naweella, wi nikotelleke otitimiheya wanyu.

Aroma 15:19

ni masiva a ezizindikiro ni ddoottikhiniha navettho ni masiva a Munepa Waweella. Sika vano koollalleya othenga waphaama wa Khrisitu ovenyera o Yerusalemu ophiya o Iliriko.

Yawuupullulla 7:12

Yaanallota wi, “Amen! Odalisa, otitimiha, ezeru, othokoza, oriiheya, masiva, ollipiha tti dda Mullukwaahu wa enthawi yoohimalla! Amen!”

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Masalimo 148:14

Apwiya ahaawelliha athwiiwa vawaavahani masiva, ahaariiha athwiiwa attheene oororomelleya, Aisraele ayo enaakondiiwa. Aleluya!

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

Aefeso 5:20

Mumuthokozeke Mulluku Attiitthiihu enthawi ddittheddene ni ekaamba ya ddittheddene mu nnddina na Apwiihu Yesu Khrisitu.

2 Akorinto 8:16

Ninnamuthokoza Mulluku voomuvahani Tito ntthitti nowuukaviherani wonanko hiyaano!

2 Akorinto 1:11

Nyuwaano munaphwanella munikaviherekettho voovekellani. Vano athu anchichi eneeromuthokoza Mulluku ekaamba yoonidalisa vawaakhullellani mavekellwaahwaalla.

1 Atesalonika 3:9

Vano ninnawora omuthokoza wunchichi Mullukwaahu ekaamba ya nyuwaano. Ninnamuthokoza ekaamba ya ohakallalla niriihuna vamiitthoni vaye ekaamba ya nyuwaano.

1 Akorinto 15:37

Khaninamidda yoomella ettheene eyo enunnuwa koma mmiddove, tirigu apaalle mmiddo mmodda.

Ezekiele 20:41

Kineerowaakhellani wonanko nthuko naphaama vawuukhumihani variyari va athu a mitundu ddimodda ni wuutthukumanihani ovenyera o ellapo nnddo mwapallalleyelleenyu. Vaavo kineerewooniha weella waka va nyuwaano nave mitundu ddimodda ddineerewoona.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Aroma 1:8

Vawaamba, kinnamuthokoza Mullukwaaka oweella mwa Yesu Khrisitu ekaamba ya nyuwaano vawi ellapo yavatthi ettheene enniiwa dda echikhulupilwaanyu.

1 Akorinto 12:8

Munepa anamvaha muthu mmodda othenga wa ezeru nave Munepa mmoddamoddave yooyo anamuvaha muthu mmodda othenga woodduwelliha.

1 Akorinto 15:57

Koma nimuthokoze Mulluku oyo ananipambaniha oweella mwa Apwiihu Yesu Khrisitu!

1 Atesalonika 1:8

Vawi othenga woollota dda Apwiya wookhuma mwa nyuwaano khovuwalle mu Masedoniyave ni Akaiyave koma epilli ya echikhulupilwaanyu mwa Mulluku, yoovuwa m'mapuroni mutthemwene. Vano kheyiivo eyo enapaalleya wi nillote.

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.

2 Timoteo 2:2

Vano nnddo wiiwalleewe wa miyaano vamiitthoni va amboni anchichi, waalleellettho ddennddo athu oororomelleya ayo enaawore waahuddihattho amodda.