2 Akorinto 2:12 - Mawu a Mulluku

¹² Kaphiyalleemi o muzinda wa Troasi wi kallalleye othenga waphaama wa Khrisitu, Apwiya yaari ehullalle khalle mullako wa mutteko wenko.

2 Akorinto 2:12 ပူးပေါင်းရင်းမြစ်များ

Mitteko 16:8

Sika yaheeta oweella mu Misiya ekitthella o Troasi.

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Akolose 4:3

Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

1 Akorinto 16:9

Vawi wuno mullako wookihulleyella miyaano wa mutteko muullupalli ni woopaalleya naari oovaanyihana eriwo anchichi.

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Mitteko 20:8

Echipinda yavaddullu natthukumanneehumo mwaakhalla enyale ddinchichi nnddo ddakhara.

Mitteko 16:11

Naatimulla vakallawani ovenyera o Troasi nillapuwa oya o echilumba ya Samotrase nave osaka wene naavirellella oya o Neapoli.

1 Akorinto 9:12

Nave amodda yaphwanella waakhella ddenndda ovenyera wa nyuwaano, hiyaano khaninaphwanella wunchichi waakhella ddenndda? Hiyaano khanipharihalle mutteko yoophwanella yeella koma noovillella erive ello wi nihisellihe othenga waphaama wa Khrisitu.

1 Akorinto 9:14

Emoddamoddave yeeyo, Apwiya aalamula wi ayo enallalleya othenga waphaama enaphwanella yaakhelleke ddoopaalleya mu okumiiwa ovenyera mu ollalleyanko.

1 Akorinto 9:16

Koma kaallalleyaka khe ello yookiphwanelliha okota. Vawi miyaano koolamuliwa weera ddenndda. Otulli onaakhalle wa miyaano kaahillalleya othenga waphaama yoolla!

2 Akorinto 4:3

Vawi othenga waphaama ninallalleyeehu khe wookhuweya koma onakhalla wookhuweya wa ayo ehinavullusiwe.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

2 Akorinto 8:18

Noomurumiha vamodda ni mwanamunnihu oyo anavahiwa olemu m'mipingoni ddittheddene ekaamba ya muttekwaaye woollalleya othenga waphaama.

2 Akorinto 9:13

Nave ekaamba ya omboni wa muttekwaanyoolla, athu anchichi eneeromutitimiha Mulluku. Vawi mwaakhulupilila othenga waphaama wa Khrisitu navettho ovelleella wanyu mwawoollowa matta vookawanani ni alliwaayo ni athu amodda attheene.

2 Akorinto 10:14

Sika khanaakhwarannye muyezwaahu nawiilleehu wa nyuwaano. Naari awaamba owaana othenga waphaama wa Khrisitu wa nyuwaano.

2 Akorinto 11:4

Vawi nyuwaano munnamwaakhullella moohakallalla muthu mmodda oyo anawa wa nyuwaano nave amullalleya Yesu mmodda, oohiyana ni Yesu naamullalleyilleehu. Nave munnaakhullella munepa mmodda ni othenga mmodda oohiyana ni Munepa ni othenga mwaakhenlleenyu ovenyera wa hiyaano!

2 Akorinto 11:7

Ngawuullivellihalleni erive ello kallalleyeemi othenga waphaama wa nyuwaano. Kahiiyeviha meekhaaka wi nyuwaano munnuwihiwe. Ethiyo wenngu waari ochimwa?

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,