2 Akorinto 13:3 - Mawu a Mulluku

³ Ella tti echizindikiro munapaalleenyu wi Khrisitu anallota oweella mwa miyaano. Olliye khe oofooka vaweerani ni nyuwaano koma annooniha masiva variyari vanyu.

2 Akorinto 13:3 ပူးပေါင်းရင်းမြစ်များ

Mateyu 10:20

Vawi mawu munaalloteenywaayo khekhalla aanyu koma enaavenyere wa Munepa wa Attiitthaanyu ayo anallota mwa nyuwaano.

2 Akorinto 12:12

Kaarimi ni nyuwaano, mookhurumusa murima kaheera ezizindikiro, ddoottikhiniha ni ddeko ddamasiva ddawooniha wi miyaano tti murummwa.

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

2 Akorinto 10:4

Ezida ninaphariheehu mutteko voowanani khe dda athu a va ellapo yavatthi koma tti masiva a Mulluku ayo ninaaphariheehu mutteko vawoonongani mipanda ddoollipa. Ninnaagonjiha maganizo oolleka

2 Akorinto 2:10

Mwamukhululukella muthu yoolla nameenettho kinnaakhululukella. Vawi eyo kikhululukelleemi, yaari erivo ello yoopaalleya okhululukella, kinakhululukella ekaamba ya nyuwaano ni vamiitthoni va Khrisitu.

2 Akorinto 2:6

Muthu yoolla oollakiwa mookwakhwanella oweella mwa eyo anchichi a nyuwaano mwiiwananeenyu.

1 Akorinto 7:40

Koma oganiza waka tti wawi anakhalla moohakallalla ni murimaaye muttheene akhalla oohitthelliwa. Nave kinaganiza wi kookhalla ni Munepa a Mulluku.

2 Akorinto 9:8

Nave Mulluku annawora wuuvahani madaliso manchichi nave muneerokhalla ni ddittheddene munapaalleenyu enthawi ddittheddene naari ddookhwaranya wi mwakavihere va orive mutteko waphaama.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.