2 Akorinto 13:11 - Mawu a Mulluku

¹¹ Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

2 Akorinto 13:11 ပူးပေါင်းရင်းမြစ်များ

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

Aroma 12:16

Mukhalleke mwawiiwanana mmodda ni mukhwaaye. Nave muhiitukhulleke koma mwaakhullelle weera ddeko ddawiiyeviha nave muhiganizeke wi muri eezeru.

Aroma 15:33

Mulluku oyo ananivaha murendelle akhalle ni nyuwaano attheene. Amen.

Aroma 12:18

Wakhalla wooworeya, mweeseeseke okhalla mwamurendelle ni athu attheene.

Mariko 9:50

“Mwiinyu tti waphaama koma watthulluwa khoweerihiwattho wi oddiveke. Mukhallena mwiinyu mwa weekhiinyu nave mukhalleke mwamurendelle muthu ni mukhwaaye.”

1 Petro 3:11

Enaphwanella ohiya ddoonanara nave yeereke ddaphaama, enaphwanella yaashaashe murendelle ni murimiiwa muttheene.

2 Akorinto 13:14

Echisomo ya Apwiya Yesu Khrisitu, echikondi ya Mulluku ni eyaattano ya Munepa Waweella ddikhalle ni nyuwaano attheene.

2 Akorinto 13:9

Ninnahakallalla wi hiyaano naafookaka nyuwaano munnakhalla ni masiva. Nave ninnavekellattho wi mukhalle aphaama wunchichi.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

1 Petro 3:8

Voomallihella, attheenenyu munapaalleya muhikanganeke koma mumorellaneke ethakaraka. Mukondaneke wonanko muthu ni mwanamunne apaalle ni murokoriye nave mukhalleke ooreera murima ni awiiyeviha.

Yakobo 1:4

Ovillella wonngu waapharaka muttekwiiwa phaama muneerowaraalla wunchichi mu echikhulupililo ohirama erive ello.

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

Afilipi 4:9

Mweereke nnddo mwahuddenreenyu ni waakhella ovenyera mu mawaaka ni m'makhallellwaaka. Nave Mulluku oyo ananivaha murendelle akhalle ni nyuwaano.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Aroma 16:20

Sika Mulluku oyo anavaha murendelle aneerewoononga veneva masiva a Satana nave aneeroweerihani wi mumulamulelle. Echisomo ya Apwiya Yesu Khrisitu ekhalle ni nyuwaano.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Yawuupullulla 22:21

Echisomo ya Apwiya Yesu ekhalle ni nyuwaano attheene.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

2 Timoteo 2:22

Nave thawa minkhella dda osombwe, othware echilungamo, echikhulupililo, echikondi ni murendelle vamodda ni yaayo enawiithana Apwiya ni mirima ddaweella wi yaakavihere.

2 Atesalonika 3:16

Ninaaveka Apwiya amurendelle yuuvaheni murendellooyo enthawi ddittheddene ni mutthemwene. Apwiya ekhalle ni nyuwaano attheene.

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.

1 Atesalonika 5:16

Hakallallani mallapo mattheene.

1 Atesalonika 5:13

Mwaavaheke yaayo olemu wunchichi ni echikondi ekaamba ya mutteko enaphariiwa. Variyari vanyu vikhalleke murendelle.

1 Atesalonika 4:18

Sika vano mullipihaneke murima ni mawu yaalla.

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Afilipi 4:2

Yuwodiya ni Sinteke, kinimuuvekani wi mwiiwananeke wonanko athu okhulupilila.

Afilipi 3:16

Naari ddeerevedde, hankoni nivirerelle moollikana ni ehuddiho ninathwareehu ophiyera ollello.

Aefeso 6:23

Asinnaka ni arokoraka, murendelle, echikondi ni echikhulupililo ddoovenyera wa Mulluku Attiitthiihu ni Apwiya Yesu Khrisitu ddikhalle ni nyuwaano.

2 Akorinto 1:4

Mulluku annanikhurumusa murima mu ddoohoosa ddahu ddittheddene wi niworettho waakhurumusa murima akhwiihu ayo eri mu ddoohoosa ddoohiyanahiyana moollikana ni mmo hiyaano nakhurumuselliweehu murima.

Mitteko 23:30

Nave kalleelliweemi wi ahiiwanana wi emwiiphe, enthawi yeeyo kaamurumiha wa nyuwaano. Kohaalleella oomwiipa mullatwaayo wi yamusumelle wa nyuwaano.”

Mitteko 18:21

Aallaanyeeye ahaalleella wi, “Waari opaalla wa Mulluku, kineerohokollowattho.” Sika aawella mukallawani avenyawo o Efeso.

Mitteko 15:29

muhicheke enama yooheraatthiwa omukuthoni wa mafano, enama ddawiiphiwa mwawi manyokotholla makohi, nikhame na enama navettho muhiraruweke. Muneerekeweera phaama mwaathwaraka ddeko ddenndda. Hallani phaama.”

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Luka 9:61

Muthu mmoddattho aallota wi, “Kineerewuuthwarani, Apwiya koma mukaakhullelle wi kaambe ollaanya nibanja naka.”

Mariko 10:49

Yesu ahiimella allota wi, “Mwiithaneni awe.” Sika yaamwiithana muthu oohoonooyo ellota wi, “Llipa murima, venya, animawiithana.”

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Genesis 45:24

Sika ahaarumiha asinnaayo nave vootimullani ahaalleella wi, “Muhinakanganaka muttillammo.”

Genesis 37:4

Asinne yoonilliiwa wi Yakobo aanamukonda Yosefe okhwaranya alliwaayo yahaamba omwiita Yosefooyo nave kheyaallotana moohakallalla.

Aefeso 4:3

Mweeseeseke osunga omoddoolla oyo onavahiwa ni Munepa oyeella mwamurendelle oyo waattaniha vamodda.

Aroma 14:19

Sika ninaphwanella wi erive enthawi neeseeseke okhalla mwamurendelle ni okaviherana wi nikhalle ni echikhulupililo yoollipa.

Aefeso 4:12

Enre ddenndda wi athu a Mulluku ekhozekelle mutteko woomurumeyella Khrisitu wi ellipihe mwiilli wa Khrisitooyo,

1 Atesalonika 3:10

Ninnamuveka otthaana ni mahiiyu ni murimaahu muttheene wi niwooneni nyuwaano vamiitthoni wi noonjerere ddooyelleella mu echikhulupilwaanyu.

2 Atesalonika 3:1

Voomallihella, asinnihu ni arokorihu, munivekellelleke hiyaano wi othenga wa Apwiya ovirellelleke ovuwa mwawaakuva navettho waakhelliwe ni ntitimiho, wonanko mmo weerelliiwa mwa nyuwaano.