2 Akorinto 12:9 - Mawu a Mulluku

⁹ Koma ahaakhulla wi, “Echisomwaaka sika enapaalleya mwa weyaano vawi masivaaka enunnuwa wakhalla oofooka.” Vano koohakallalla ni murimaaka muttheene wi kikotelleke dda ofooka waka wi masiva a Khrisitu enooneya mwa miyaano.

2 Akorinto 12:9 ပူးပေါင်းရင်းမြစ်များ

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

2 Akorinto 12:10

Kinnahakallalla ni ddoollova, ddoovevulliwa, ddookhupanyiha, ddoohoosa ni ddookatamiha ekaamba ya Khrisitu. Vawi kakhalla oofooka, vano kinakhalla amasiva.

Aefeso 3:16

Kinamuveka Mulluku wi ovenyera mwa waata wa ntitimiho naye, uuvaheni masiva oweella m'Munepanaaye wi mukhalle oollipa mu echikhulupilwaanyu.

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

1 Akorinto 10:13

Weesiwa orive ottheene nko onuuphiyereni tti wenko onamuphiyera arive muthu. Nave Mulluku tti oororomelleya nave khaakhullella wi nyuwaano mweesiwe ohiyana ni masivaanyu awiimella moollipa. Koma enthawi eyo muneesiweenyu aneerowinnyani ettilla yawi muvulluwellemo sika muneerowora ovillella.

Aheberi 4:16

Sika hankoni moohikayikella naatamelle o mpando woomwene wa Mulluku nko ori echisomo wi naakhelle echifundo, echisomo ni nikavihero mu enthawi yoophwanellella.

2 Akorinto 12:5

Sika kineeromukotella mullopwana yoolla nave ngiikotella meekhaaka koma ddekove ddinooniha ofooka waka.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

1 Akorinto 2:5

Sika echikhulupilwaanyu ehikhalle va ezeru dda muthu koma va masiva a Mulluku.

Akolose 1:11

Mullipihiweke ni masiva mattheene oovenyera o masiva antitimiho naye wi muwore ovillella ni olleva erive ello. Mwaathokozeke Attiitthaanyu moohakallalla, ayo yaweerihalleni wi mukhallena eyo Mulluku aasungenlleeye athwaaye mu omwene woowala.

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

2 Akorinto 11:30

Kaphwanella okota, kinaakotelleke ddeko ddinooniha mmo kifookelleemi.

1 Timoteo 1:14

Nave Apwiihu yahiithellella echisomwiiwa yinchichi va miyaano, ekivahattho echikhulupililo ni echikondi nnddo ddiri ddahu oweella mwa Khrisitu Yesu.

Aheberi 11:34

Amodda yaathiimiha munllo woowalli, amodda yaavulluwa wowiiphiwa ni masupada, yaari oofooka koma yaavahiwa masiva, yaari oollipa okhotoni nave yaawiikariha akhoto eelleto.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Masalimo 8:2

Munnaweeriha anamwani ni akantchewa wuutitimihani wi mumake mpanda woollipana ni adanaanyu, wi mwaakhurumuse ayo enuuwukilani.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Yesaya 11:2

Munepa wa Apwiya onaakhalle va olliye, munepa woovaha ezeru ni wiiwesesa, munepa woovaha malangizo ni masiva, munepa woovaha odduwella ni owoova Apwiya.

2 Akorinto 12:15

Kineerohakallalla ovelleella ddaaka ddittheddene ni meenettho wi kuukavihereni. Nave ethiyo kaawuukondakani wunchichi, nyuwaano mukikondeke vang'ono?

2 Mamwene 2:15

Mulloko wa anamallotella a o Yeriko yamoonilliiwa Elisha allapuwaka yaallota wi, “Munepa wa Eliya ori mwa Elisha.” Vano yaawa ekumanana ekokhora vamiitthoni vaye.

1 Akorinto 2:3

Sika kawiilleemi wa nyuwaano, kaari oofooka ni ootthukumella ni woova,

2 Akorinto 12:1

Kinaphwanella okota naari kihiphwanyillevo ello yaphaama. Sika vano kineerollota dda ddoolloha ni dda wuupullulla ddoovenyera wa Apwiya.