2 Akorinto 12:2 - Mawu a Mulluku

² Kinnamudduwella ookhulupilila mmodda aamullopwana oyo aakusiwe oya oddullu miyakha khumi ni misese ddivirallennddo (nginadduwella wi nndda ddaheereya apaalle ddaari ddoolloha, anadduwella tti Mullukuve).

2 Akorinto 12:2 ပူးပေါင်းရင်းမြစ်များ

Mitteko 22:17

“Kaahokollweella o Yerusalemu nave kavekelleemi mu enyumba ya Mulluku, kahoona masomphenya.

Yawuupullulla 4:2

Enthawi yeeyo kaahoollelliwa ni Munepa Waweella nave kahoona oddullunko ori mpando wa omwene nave muthu mmodda akeraatthille vampandoni woomwenooyo.

1 Atesalonika 4:17

Vano hiyaano niri ookumi nineerotthukumanihiwa ni alliwaayo nave nineerotukhullelliwa m'miraponi wi nakumane ni Apwiya muddullu. Nave vawiddiidda nineerokhalla ni Apwiya wa enthawi yoohimalla.

2 Akorinto 11:11

Ethiyo kinallota ddiidda kaambiiwa nginuukondani? Mulluku annadduwella wi kinnuukondani.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

1 Mamwene 18:12

Apaalle mi kavenyavo mva, munepa a Apwiya ttuuwuuvenyihanivoni oya nko kihinadduwelleemiwo. Vano kaya kamulleella Ahabu, olliye aahuuphwanyanivoni aneerokiipha naari mi oorumeyellaanyu kiwoovaka Apwiya waambeella enamwanaaka.

Yawuupullulla 12:5

Mutthiyanooyo aamuyara mwaana aamullopwana, oyo anaawaalamulelle athu a mitundu ddittheddene ni ekopo yamukoko. Nave mwaanooyo ori oyariwa wene ahaakhiwa m'mattani mwa amennya, akusiwa oya wa Mulluku ni o mpando woomwenaaye.

Ezekiele 11:24

Vatulli viwa Munepa a Mulluku aakitukhulla akiphiyiha wa akaporo a mu Babiloni. Ddittheddenenndda ddeereya m'masomphenya moollikana ni mmo Munepa a Mulluku akoonihelleeye. Vano ddeko nnddo kaddooneemi ddahaamba othiima.

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

Aefeso 4:10

Sika oyo aakitthalle tti mmoddave yooyottho aawenlle vaddullu okhwaranya eddullu wi addalle erimu ettheene.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Agalatiya 1:22

Va enthawi yeeyo athu a m'mipingoni dda mu Yudeya yaari ehinakumane ni miyaano vamiitthoni ni vamiitthoni.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Aroma 16:7

Mooni wa Androniko ni Yunia, Ayuda akhwaaka ayo kaarimina mundende. Yaalla tti o odduwanyeya variyari va amurummwa nave yaakhalla ookhulupilila miyaano kihinakhalle.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Mitteko 14:6

Amurummwaayo yadduwenlliiwa ddenndda, yaathawella o mizinda dda Listara ni Derbe mu echigawo ya Likaoniya ni mapuro oowaapheella mizindannddo.

Yohane 6:56

Ayo enacha mwiillaaka ni owirya nikhame naka enakhalla mwa miyaano nave miyaano kinakhalla mwa alliwa

Luka 24:51

Aadalisalleeye, ahaahiya, awellihiwa oya oddullu.

Masalimo 148:4

Nyu mirapo ddamuddullu, nyu maaddi amuddullu, atitimiheni!

Yawuupullulla 1:10

Va nllapo na Apwiya kaahoollelliwa ni Munepa Waweella nave kahiiwa mawu oollotiwa moowella mutulli mwaka wonanko woopa wa nipallapata.

2 Akorinto 13:5

Muddeeseke ni oddeeruza weekhiinyu wi moone mwaarimi mukhallaka mu echikhulupililo. Ddawoona munnadduwella wi Khrisitu Yesu ari mwa nyuwaano koma mwaari muhiri ddiiddo sika moolephela.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

2 Mamwene 2:16

Nave alliwa yaamulleella wi, “Vano ngoonani, oorumeyellaanyu nookhalla ni athu 50 amasiva. Pepaani, akhullellani wi etimulle yamwaashaashe pwiinyu Eliya. Apaalle munepa a Apwiya oomukusa amuvokhella omwaangoni waamodda apaalle o ntapo.” Elisha ahaakhulla wi, “Iyaayi muhaarume.”

Deuteronomo 10:14

Ngoonani, oddullu ni ddittheddene ddiri wenko, ellapo yavatthi ni ddittheddene ddiri mwemmo tti dda Apwiya Mullukwaanyu.

Ezekiele 43:5

Munepa a Mulluku aakitukhulla akivollochiha mu nipuro namuwari. Vano ngoonani, ntitimiho na Apwiya naaddalla mu enyumbeeyo.

Aroma 16:3

Mukivelleellelle mooni wa Prisika ni Akwila allupa mutteko akhwaaka voomurumeyella Khrisitu Yesu,

Aroma 16:9

Mumuvahe mooni Urbano, oorumeyella oororomelleya mukhwiihu mu eyaattano ni Khrisitu. Navettho mooni wa Stakisi, mukhwaaka kinamukondeemi.

Aroma 16:10

Mooni wa Apelesi, oorumeyella ororomelleya a Khrisitu. Moonittho wa a mu nibanja na Aristobulo.

Aheberi 4:14

Nookhalla ni mullupa mukutho muullupalli oyo ayiille oddullu akhalla vamiitthoni va Mulluku, Yesu, Mwaana a Mulluku. Sika hankoni niphare moollipiha dda echikhulupililwaahu.