2 Akorinto 12:1 - Mawu a Mulluku

¹ Kinaphwanella okota naari kihiphwanyillevo ello yaphaama. Sika vano kineerollota dda ddoolloha ni dda wuupullulla ddoovenyera wa Apwiya.

2 Akorinto 12:1 ပူးပေါင်းရင်းမြစ်များ

Agalatiya 1:12

Ngaawakhenlle ovenyera wa arive muthu nave khaavo naari aakihuddihalle. Koma Yesu Khrisitu yeekhaaye sika uupullullalle wa miyaano.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

2 Akorinto 12:7

Kaavahiwa yookatamiha mu omuthwaaka wi kihiinyarulleke ekaamba ya ddawuupullulla koonilleemi. Kinakhalla wonanko kinimuukuthiwa ni oorumiwa a Satana wi kihikoteke.

Agalatiya 2:2

Kayiillewo kaambiiwa Mulluku ahuupullulla wa miyaano wi kaaphwanella oyaawo. Mu mutthukumano wa ooholleellave kaatthopoollella othenga waphaama kallalleyilleemi wa athu ayo ehiri Ayuda. Vawi Ngaapanlle wi nnddo kineereemi ni nnddo kenreemi ddooneye wonanko tti ddoohikhalla ni mutteko.

2 Akorinto 12:11

Kineera wonanko ookarangeya koma tti nyuwaano mwakiwatihenre. Nyuwaano sika muphwanenlle okitetheella. Vawi naari kiri oohikhalla ni mutteko, amurummwaanyu uullupallaalle khenakikhwaranya miyaano.

2 Akorinto 8:10

Muyakha omanlle mwahaamba muttekoolla nave mwaheera ddenndda moopaalla mwanyu. Sika vano kinaganiza wi tti waphaama wa nyuwaano wi

1 Akorinto 10:23

Athu amodda ennallota wi, “Ninnaakhullelliwa weera erive ello.” Ddawoona koma khe ddeko ddittheddene ddiri ddaphaama. Ninnaakhullelliwa weera erive ello koma khe ddittheddene ddinanillipiha.

Mitteko 23:11

Mahiiyu yaayo Apwiya yahiimella vaari Paulo ellota wi, “Ohoove! Woovelleella omboni dda miyaano o Yerusalemu wuno nave onaphwanella weerettho ddiidda o Roma.”

Mitteko 18:9

Mahiiyu mamodda Paulo ahoona masomphenya mmo Apwiya yamulleelliiwa wi, “Ohoove, llalleyave nave ohihiye,

Yohane 16:7

Ddawoona, kinimuulleellani wi tti waphaama wa nyuwaano wi miyaano kinimarowa. Vawi kaahirowa Ookavihera khawa wa nyuwaano. Koma miyaano karowa, kineeromurumiha wa nyuwaano.

Ezekiele 11:24

Vatulli viwa Munepa a Mulluku aakitukhulla akiphiyiha wa akaporo a mu Babiloni. Ddittheddenenndda ddeereya m'masomphenya moollikana ni mmo Munepa a Mulluku akoonihelleeye. Vano ddeko nnddo kaddooneemi ddahaamba othiima.

Numeri 12:6

Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.

1 Akorinto 6:12

Athu amodda ennallota wi, “Kinnaakhullelliwa weera erive ello.” Ddawoona koma khe ddeko ddittheddene ddiri ddaphaama. Miyaano kinallota wi kinnaakhullelliwa weera erive ello koma ngilamulelliwa ni erive ello.

Yohane 18:14

Kayafa tti yoolle aalleelle Ayuda wi, “Tti waphaama wa nyuwaano wi muthu mmodda akhwe munipuroni na athu attheene.”

Aefeso 3:3

Mulluku ahuupullulla yoolingaaye yoovittheya. Koolemba dda yeella mookhuveyiha,

1 Akorinto 14:6

Asinnaka ni arokoraka, vano kawa wa nyuwaano killotaka ellotello ddoohidduwanyeya, munaapindulevo tini? Khekhallavo naari eng'onong'ono kaahivelleella othenga oyo Mulluku akupullullelleeye apaalle odduwella apaalle ollotella apaalle ohuddiha.

2 Akorinto 12:5

Sika kineeromukotella mullopwana yoolla nave ngiikotella meekhaaka koma ddekove ddinooniha ofooka waka.

2 Akorinto 12:9

Koma ahaakhulla wi, “Echisomwaaka sika enapaalleya mwa weyaano vawi masivaaka enunnuwa wakhalla oofooka.” Vano koohakallalla ni murimaaka muttheene wi kikotelleke dda ofooka waka wi masiva a Khrisitu enooneya mwa miyaano.

1 Atesalonika 4:15

Vawi ella ninuuhuddiheehuni tti ehuddiho ya Apwiya. Hiyaano ookumi khanaahoollella ayo yakhwille, va nllapo na Apwiya.