2 Akorinto 11:7 - Mawu a Mulluku

⁷ Ngawuullivellihalleni erive ello kallalleyeemi othenga waphaama wa nyuwaano. Kahiiyeviha meekhaaka wi nyuwaano munnuwihiwe. Ethiyo wenngu waari ochimwa?

2 Akorinto 11:7 ပူးပေါင်းရင်းမြစ်များ

2 Akorinto 12:13

Ethiyo tti tini keerelleemi mipingo ddimodda kihiweerelleemini, ohiya wi nguukatamihalleni vawuuvekani nikavehero na makobiri? Kinuuvekani wi mukikhululukelle yoonanara yeella.

1 Atesalonika 2:9

Vawi munnuupuwella, asinnihu ni arokorihu mmo napharelleehu mutteko moollipihella! Naphara mutteko otthaana ni mahiiyu wi nihuukatamiheni nyuwaano nuullalleyelleehuuni othenga waphaama wa Mulluku.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

1 Akorinto 9:6

Apaalle Baranaba ni miyaano tti weekhiihu ninaphwanella ophara mutteko wi nikhallena makobiri?

2 Atesalonika 3:8

Khanaachille yoocha ya arive muthu moohillivella koma naaphara mutteko moollipa otthaana ni mahiiyu ophiyera otopa wi nihuullemelleni nyuwaano.

Mitteko 20:34

Munnadduwella nyookha wi kaphanre mutteko ni mattaakaalla wi kiphwanye eyo miyaano ni akhwaaka napaalleehu.

1 Akorinto 9:12

Nave amodda yaphwanella waakhella ddenndda ovenyera wa nyuwaano, hiyaano khaninaphwanella wunchichi waakhella ddenndda? Hiyaano khanipharihalle mutteko yoophwanella yeella koma noovillella erive ello wi nihisellihe othenga waphaama wa Khrisitu.

Mitteko 20:33

Ngaapanlle makobiri apaalle ddoowara dda arive muthu.

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

2 Akorinto 2:12

Kaphiyalleemi o muzinda wa Troasi wi kallalleye othenga waphaama wa Khrisitu, Apwiya yaari ehullalle khalle mullako wa mutteko wenko.

2 Akorinto 10:16

Vano Nineerowora ollalleya othenga waphaama mu ezigawo ddimodda nko nineereehu nihikotelle mutteko waphariwe khalle.