2 Akorinto 11:3 - Mawu a Mulluku

³ Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

2 Akorinto 11:3 ပူးပေါင်းရင်းမြစ်များ

Akolose 2:8

Chenjerani wi vihikhalle mmodda anaweeriheni wi mukhalle akaporo vawuuhollosani ni ezeru ddawoottha ni ddoohikhalla ni mutteko, nnddo ddinavenyera mu ehuddiho dda athu ni ddoovenyera o minepa ddoolamulella dda oddullu ohiri ddoovenyera wa Khrisitu.

Agalatiya 1:6

Kinnuuttikhinani nyuwaano! Munamuhiya mwawaakuva ddiidda oyo aawiithanneni oweella mu echisomo ya Khrisitu nave munathwara othenga omodda.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

Akolose 2:4

Vano kinimuulleellani, muhaakhullelle wi mmodda uuholloseni ni mawu oolleka.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

1 Timoteo 2:14

Khahiyo Adamu aallekiwe koma mutthiyana sika aallekiwe akhalla oochimwa.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

Genesis 3:13

Vano Apwiya yaamukoha mutthiyana wi, “Ethiyo weyaano, ella weerilleewe tti tini?” Mutthiyana ahaakhulla wi, “Enowa sika yakillekille wi kiche.”

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Agalatiya 3:1

Agalatiya ookarangeya nyu, nyuwaanothi moollowiwa! Mwaalleelliwa phaamaddene dda otthomeyiwa vamutandani wa Yesu Khrisitu!

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Genesis 3:4

Enoweeyo yahaakhulla wi, “Khemukhwa iyaayi.”

1 Yohane 2:18

Anaaka, enthawi yoomalliha yohaatamella! Mwaalleelliwa wi Mudani a Khrisitu animawa. Koma vano adani a Khrisitu ahooneya khalle, sika vano ninnadduwella wi enthawi yoomalliha yohaatamella.

2 Petro 3:17

Koma nyuwaano, ookondiwaaka, munnadduwella khalle yeella. Chenjerani, vano wi muhihollosiwe ni machimo a athu oohithwara malamulo wi muhitathille okeraattheya wanyu.

Agalatiya 4:11

Kinnakhupanya dda nyuwaano! Ethiyo muttekwaaka muttheene va nyuwaano tti woohipindula?

2 Akorinto 2:17

Hiyaano khaninaphwanaphwana ni athu amodda anchichi ayo enakusa othenga wa Mulluku wonanko tti malonda oohiwallamella mutengo koma kaambiiwa Mulluku oonirumiha hiyaano, ninavuwiha othenga mwawoona vamiitthoni vaye oweella mwa Khrisitu.

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

1 Atesalonika 3:5

Ella sika ekaambiiwa kimurumihalleemi Timoteo. Miyaano ngaawore ovillella, sika kaamuruma olliyooyo wi oone echikhulupilwaanyu. Vawi koova wi apaalle Satana aaweesani nave wi muttekwaahu muttheene waari woohikhalla ni mutteko.

Aefeso 6:24

Echisomo ekhalle ni attheene ayo enaakonda Apwiihu Yesu Khrisitu ni echikondi yoohisintheya.

Agalatiya 2:4

Athu amodda yaapaalla yeeyo koma yaari ookhulupilila awoottha ayo yaavollowille mumpingoni mwahu wi etoteke miyaha mwawiipitthella wi yoone ottaphuwa ori ni hiyaano mwa Khrisitu Yesu. Yaapaalla oneera akaporo a malamulwiiwa.

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.

Tito 1:10

Vawi vookhalla amodda oohiroromelleya, makamaka oovenyera o Eyuda, ayo enallota ddoohikhalla ni mutteko ni waahollosa akhwiiwa.

1 Timoteo 1:3

Kinapaalla weyaano okhalleke m'muzindani wa Efeso moollikana ni mmo kuuvekilleemi kayeemi mu echigawo ya Masedoniya. Athu amodda wenko ennahuddiha ddeko ddawoottha, sika waalamule wi ehiye.

Akolose 2:18

Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

2 Akorinto 11:29

Muthu mmodda afooka miyaanottho kinnafooka, muthu mmodda achimwa, kinnaddalliwa ni ethakaraka.

Aroma 12:8

Emphaswaahu yakhalla yawaallipiha amodda, naalipiheke. Oyo anaakavihera amodda, eereke ddiiddo mwawoollowa matta. Oyo ari ni olamulello, alamulelleke phaama. Oyo anaweerella amodda echifundo, eereke ddiiddo moohakallalla.

Yawuupullulla 20:2

Aaphara enowa yuullupalleelle, enowa yakhalleelle yooromolliwa mdiyerekezi apaalle Satana, amumaka ni onyoloolle wa miyakha 1,000.

Masalimo 119:53

Kinnasha murima wunchichi ekaamba ya oonanara ayo ehinathwara malamulwaanyu.

Genesis 3:1

Enowa yaari yoochenjeresesa okhwaranya enama ddamuhakani ddittheddene ddaphatusiwe ni Apwiya. Enoweeyo yaamukoha mutthiyanoolle wi, “Ethiyo tti ddawoona wi Mulluku ahuuhiihani ocha ezipaso dda orive muteekho ori m'matanimmu?”

Genesis 3:20

Adamu aamuvaha nnddina mwaariye nawi Heva, ekaamba yawi olliyooyo aari amoowe a athu attheene.

2 Akorinto 11:20

Munnamwaakhullella arive muthu anuuhoosani apaalle wuuchellani ddaanyu apaalle anuullekani apaalle anuuvevullani apaalle anawuukuthani owiitthoni.

Aefeso 4:22

Sika muhiye makhallellwaanyu akhalle ayo yaweerihalleni wi mukhalleke mwawi ddiiddo, makhallellwaanyu akhalle ayo yuntihiwe ni minkhella ddoolleka.

Yawuupullulla 12:15

Nave enowa yuullupalleeyo yaamuttaphera mutthiyanooyo maaddi wonanko muhinje wooddalla wi emukuse.