2 Akorinto 11:23 - Mawu a Mulluku

²³ Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

2 Akorinto 11:23 ပူးပေါင်းရင်းမြစ်များ

2 Akorinto 6:9

Ninnooniwa wonanko oohidduwanyeya naari nidduwanyeyaka ni athu attheene, wonanko nookhwa naari niri ni okumi, wonanko noollakiwa naari nihiiphiwe.

2 Akorinto 3:6

Tti olliye aaneerihalle wi niwore orumeyella echipangano yanaanweene yoovenyera mwa Munepa ohiri mwa lamulo noolembiwa. Vawi lamulo noolembiwa ninniipha koma Munepa annavaha okumi.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

Akolose 1:29

Wi ddenndda ddeereye, kinaphara mutteko moollipihella, voopharihani mutteko masiva uullupalli ayo enavelleelliiwa ni Khrisitu oyo anaphara mutteko mwa miyaano.

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

Mitteko 9:16

Vawi kineeromooniha mmo anaahoowelleeye wunchichi ekaamba ya nnddina naka.”

Filemoni 1:9

Koma ekaamba ya okondana wahu, kinapaalla wuuveka, miyaano Paulo, oomwimellella Khrisitu Yesu navettho a mundende ekaamba ya omurumeyella olliye.

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

1 Akorinto 3:5

Ni okhalla wene, Apolo ttaani? Nave Paulo ttaani? Hiyaano tti oorumeyella a Mulluku, ayo yuuhoollelleni o echikhulupililo. Arive muthu a hiyaano anaphara mutteko Apwiya yaamvahilliiwa wi aphare.

Aheberi 10:34

Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.

2 Timoteo 1:16

Apwiya yeerelle echifundo nibanja na Onesifore kaambiiwa aakihakallalliha wiilliwiilli. Nave khaawulliwe muru naari kaariimi mundende.

2 Timoteo 1:8

Ohiwulliweke muru ovelleella omboni dda Apwiihu naari dda miyaano kiriimi mundende ekaamba ya Khrisitu koma okawane ni miyaano ddoohoosa ekaamba ya othenga waphaama mu masiva a Mulluku.

1 Timoteo 4:6

Waahuddiha ookhulupilila ddeko ddenndda, oneerokhalla oorumeyella aphaama a Khrisitu Yesu, oollelliwa ni mawu a echikhulupililo ni a ehuddiho yawoona eyo wathwanreewe.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

Afilipi 1:13

Vawi, oowehera a Eroma ni athu amodda attheene wuno ennadduwella wi miyaano kiri mundende kaambiiwa kinamurumeyella Khrisitu.

Aefeso 6:20

Ekaamba ya othenga yoolla miyaano tti kazembe naari vano kiri mundende. Vekellani wi killoteke moollipa murima dda othenga yoolla wonanko mmo kinaphwanellelleemi.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

2 Akorinto 11:5

Kinaganiza wi amurummwaanyu, ayo munaweereenyu uullupalli, khekikhwaranya miyaano.

2 Akorinto 10:7

Onani ddawoona ddiwa. Aarimi arivo muthu anasimikiza wi tti aaye a Khrisitu, olliyooyo iimolleelle yeekha? Vawi hiyaanottho niri aaye a Khrisitu wonanko olliyooyo.

2 Akorinto 4:11

Mu okumaahu muttheene ninnoopopihiwa ni okhwa ekaamba ya Yesu wi okumaayettho wooneye mwa hiyaano.

Aroma 8:36

Mawu a Mulluku eni, “Mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.”

Mitteko 28:30

Wa miyakha miilli Paulo akhalla mu enyumba yoopolleya nave aanawaakhellawo athu attheene yawa wi ekumanena.

Mitteko 28:16

Naphiyalleehu o Roma, Paulo ahaakhullelliwa okhalla mu echipinda yayeekha vamodda ni akhoto oomuweherooyo.

Mitteko 27:1

Yiiwananiiwa wi enaphwanella ellapuwe vakallawani eye o Italiya, yaamuvelleella Paulo ni oomakiwa amodda wa Julio, akhoto muullupalli a mulloko wooromolliwa wi, “Mulloko wa Kaisara.”*

Mitteko 25:14

Nave yakhanlliiwa wenko wa mallapo oowaatellavo, Fesito aamutthopoollella mwenooyo dda Paulo wi, “Wookhalla muthu oyo amakiwe enthawi ya Felike ahiyiwa mundende,

Mitteko 21:11

Aphiyalleeye vaarihumvo, aamukusa laamba a Paulo iimakana m'manyalloni ni m'mattani mwaye nave allota wi, “Munepa Waweella oollota wi, mwaneena a laamboolla aneeromakiwa ddiiddattho ni Ayuda o Yerusalemu nave eneeromuvelleella wa athu ayo ehiri Ayuda.”

Mitteko 20:23

Emoddave eyo kinadduwelleemi tti yawi Munepa Waweella ookichenjeza wi muzinda orive muttheene kinayeemiwo, endende ni ddoohoosa ddinimakitiyera.

Mitteko 14:19

Ayuda amodda yavenyenre o Antiyokeya ni o Ikonio, yahaakopa athwaalle wi ekhalle ni alliwa. Yaamuvokha malluku Paulo emupurullella otte wa muzindooyo vawi yaganiza wi ookhwa.

1 Akorinto 4:1

Vano athu enaphwanella eneereke hiyaano oorumeyella a Khrisitu oopwatha ddookhuweya ddoovenyera wa Mulluku.

Yeremiya 36:5

Aamulleella Baruki wi, “Mi aakikhootiha ovollowa mu enyumba ya Apwiya.

1 Akorinto 4:9

Vano kinnoona wi Mulluku oovaha nipuro noovevuwa wa hiyaano amurummwa, wonanko athu elamuliwe wi yiiphiwe wonanko ello yawoonihiwa wa ellapo yavatthi ettheene wa angelo ni wa athu.

1 Akorinto 4:11

Ophiyera enthawi yeella hiyaano ninnavolliwa ettalla ni nthona, ninnawara matapwata, ninnuukuthiwa nave khaninna vookhalla vaahuvaahu.

Agalatiya 6:17

Voomallihani, arive muthu ahikikatamihettho kaambiiwa mapamba kiriimina vamwiillini vaka enooniha wi miyaano tti kaporo a Yesu Khrisitu.

2 Timoteo 3:11

ddoohoosa ddaka ni ddookatamiha ddaka. Onnadduwella wi ddittheddenenndda ddaakeereyella o Antiyokeya,* o Ikonio ni o Listara. Kaavillella ddoohoosa nave Apwiya sika yakaakihalle miyaano.