2 Akorinto 10:7 - Mawu a Mulluku

⁷ Onani ddawoona ddiwa. Aarimi arivo muthu anasimikiza wi tti aaye a Khrisitu, olliyooyo iimolleelle yeekha? Vawi hiyaanottho niri aaye a Khrisitu wonanko olliyooyo.

2 Akorinto 10:7 ပူးပေါင်းရင်းမြစ်များ

2 Akorinto 5:12

Khaniniitetheella weekhiihu wa nyuwaano koma ninapaalla wuuvahani ekaamba yaphaama wi munikotelleke hiyaano wi mwawore owaakhulla ayo enakotella ddawooneya ni miittho ohiri dda m'murimani mwiwa.

1 Akorinto 14:37

Muthu mmodda aaganizaka wi olliye tti namallotella apaalle ookhalla ni emphaso ya Munepa Waweella, anaphwanella adduwelle wi kinuulembelleemini tti lamulo na Apwiya.

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

Yohane 7:24

Muhineeruzaka vawoonani makhallello koma mweeruzeke mwawoona.”

1 Yohane 4:6

Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

1 Akorinto 9:1

Miyaano ngihiyo oottaphulliwa? Miyaano ngihiyo murummwa? Ngimonne Yesu Apwiihu? Nyuwaano khamuri ezipaso dda muttekwaaka mu eyaattano ni Apwiya?

1 Akorinto 3:23

nave nyuwaano tti a Khrisitu nave Khrisitu tti a Mulluku.

Agalatiya 3:29

Mwaarimi muri mwa Khrisitu, sika nyuwaano tti edduullu dda Abrahamu nave muneerewaakhella eyo Mulluku alonjezilleeye.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

1 Akorinto 1:12

Kinallota nndda ekaamba yawi arive muthu a nyuwaano anallota ddoohiyana. Mmodda anallota wi, “Kinamuthwara Paulo,” mmodda wi, “Kinamuthwara Apolo,” mmodda wi, “Kinamuthwara Petro,” nave mmodda wi, “Kinamuthwara Khrisitu.”

2 Akorinto 13:3

Ella tti echizindikiro munapaalleenyu wi Khrisitu anallota oweella mwa miyaano. Olliye khe oofooka vaweerani ni nyuwaano koma annooniha masiva variyari vanyu.

2 Akorinto 12:11

Kineera wonanko ookarangeya koma tti nyuwaano mwakiwatihenre. Nyuwaano sika muphwanenlle okitetheella. Vawi naari kiri oohikhalla ni mutteko, amurummwaanyu uullupallaalle khenakikhwaranya miyaano.

2 Akorinto 11:18

Nave vawi athu anchichi enakotella ddeko dda omuthu, nameenettho kineereweera emoddamoddave yeeyo.

2 Akorinto 11:4

Vawi nyuwaano munnamwaakhullella moohakallalla muthu mmodda oyo anawa wa nyuwaano nave amullalleya Yesu mmodda, oohiyana ni Yesu naamullalleyilleehu. Nave munnaakhullella munepa mmodda ni othenga mmodda oohiyana ni Munepa ni othenga mwaakhenlleenyu ovenyera wa hiyaano!

1 Akorinto 15:23

Nave arive muthu aneerovenyihiwa va enthawaaye. Vawaamba va attheene, Khrisitu, vatulli viwa ayo eri aaye a Khrisitu va enthawi anaaweeye.

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.