2 Akorinto 10:5 - Mawu a Mulluku

⁵ ni erive ello yoolepheliha athu odduwella dda Mulluku. Ninnaaphara erive maganizo wonanko kaporo wi emwiiwellelleke Khrisitu.

2 Akorinto 10:5 ပူးပေါင်းရင်းမြစ်များ

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Aroma 7:23

Koma kinnoona malamulo amodda mwa miyaano epharaka mutteko, malamulo oollipana ni malamulo awaakhullelliwa ni murimaaka. Malamulo yaalla yaakeeriha okhalla kaporo a malamulo a machimo ayo enaphara mutteko mwa miyaano.

Mateyu 15:19

Vawi m'murimani munnavenyera maganizo oonanara, wiipha, oraruwa, wiiya, omboni wawoottha ni oweerella amodda epewe.

Aroma 1:21

Vawi naari edduwenlle dda Mulluku, khenamutitimiha moophwanellella naari omuthokoza. Nave maganizwiiwa tti oohikhalla ni mutteko nave mirima ddiwa ddookarangeya ddooddalla ni epiphi.

1 Akorinto 3:19

Vawi eyo eneeriiwa ya ezeru va ellapo yavatthimva tti yoohikhalla ni ezeru vamiitthoni va Mulluku. Moollikana ni mawu a Mulluku awi, “Mulluku anaphariha mutteko ochenjera wa athu eezeru wonanko musampha vawaapharani alliwaayo,”

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Masalimo 139:2

Munnadduwella kaakeraatthiki, kaavenyaka, munnadduwella maganizwaaka muri wuuteete.

1 Akorinto 1:19

Ddaalembiwattho mu mawu a Mulluku wi, “Kineerewoononga ezeru dda athu eezeru, ni ochenjera wa athu oochenjera.”

Miyambo 15:26

Apwiya khenaddivelliwa ni maganizo a muthu oonanara koma ennahakallalla ni mawu aphaama.

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Ezekiele 17:24

Miteekho ddittheddene dda mwiillaponimmo ddineerodduwella wi tti miyaano kinakhuveyiha miteekho ddoorekama nave kinarekamiha miteekho ddookhuveya. Kinnuumiha miteekho ddikitthi nave kinnaphuwiha miteekho ddawumma. Mi Apwiya koollota ddenndda nave kineeroddeera.’ ”

2 Atesalonika 2:8

Nave vano oonanaroolla aneerewuupullulliwa nave Apwiya Yesu yawa, eneeromwiipha voomuviddeellellani mpweya wa muwano mwaye nave aneeromoononga ni wooneya wa owa waye.

Miyambo 24:9

Maganizo ookarangeya tti nichimo nave muthu oovevulla annaananara athu.

Luka 1:51

Oheera ddeko ddamasiva ni muwonwaaye, nave ohaapallallesa athu awiitukhulla m'murimani mwiwa.

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Yesaya 59:7

Enathamakella weera ddoonanara, khenaselliha owiipha athu oohilakwa. Maganizwiiwa mattheene enakhalla va ddoonanara, orive weko enayiiwa ennatthollosa ni woononga.

Yesaya 2:17

Okota wa athu oneeromalla wiitukhulla wiwa otthewene oneerewoonongiwa. Apwiyave sika enaariihiwe nllapo nenno.

Deuteronomo 15:9

Muchenjere wi muhiwatteelleke okongoliha ni maganizo oonanara awi muyakha wookhululukella ekongoli ori vakhuviru. Mwaahimoollowella matta mukhwiinyu oohoowa, oohimuvaha ello olliye aneerewuusumellani wa Apwiya vawinllani nave muneerophwanyeya oochimwa.

2 Akorinto 9:13

Nave ekaamba ya omboni wa muttekwaanyoolla, athu anchichi eneeromutitimiha Mulluku. Vawi mwaakhulupilila othenga waphaama wa Khrisitu navettho ovelleella wanyu mwawoollowa matta vookawanani ni alliwaayo ni athu amodda attheene.

Aroma 16:26

Koma vano Mulluku a enthawi yoohimalla aalamula wi yawooneeyo yuupullulliwe mu ddoolemba dda anamallotella nave wi edduwelliwe ni athu attheene wi ekhulupilile ni wiiwellella.

2 Mamwene 19:22

Ethiyo wookhalla omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Aroma 1:5

Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.

Yesaya 60:14

Edduullu dda ayo yuuhoosille eneerewuuwaramella moovelleella olemu. Attheene yuunyaambusallevo eneerewuukokhorella vamanyalloni vawo. Eneerewuuromolla wi ‘Muzinda wa Apwiya,’ ‘Ziyoni a Aweella a Israele.’

2 Mamwene 19:28

Ekaamba yawi waakishella murima, wiitukhulla wawo wahiiweya wa miyaano, kineeromedda ephunaawo ni embeza, kineerohiya mukoko muwano mwawo, kineerewuuhokollosella mutulli vooweetihani ettilla waweelleewe.’ ”

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

Masalimo 18:27

Vallethi awiiyeviha munnaavullusa koma awiitukhulla munnaayeviha.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Masalimo 18:44

Yiiwalle mawaaka yahaamba okiiwellella, athu a ellapo ddimodda yaananiwaramella.

Eksodo 5:2

Koma Farao ahaakhulla wi, “Ethiyo Apwiyaayo ttaani wi miyaano ttuuwiiwellella ddennddo ni owaakhullella Aisraele wi evenyemo? Apwiyaayo nginaadduwella nave ngiwa kaakhullella wi Aisraelaayo evenyemo.”

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Yeremiya 23:29

Vallethi mawaaka enaviha wonanko munllo nave tti wonanko hamala oopwesella nlluku.

2 Akorinto 11:20

Munnamwaakhullella arive muthu anuuhoosani apaalle wuuchellani ddaanyu apaalle anuullekani apaalle anuuvevullani apaalle anawuukuthani owiitthoni.

Afilipi 4:7

Vano murendelle wa Mulluku, wookhwaranya mmo athu eniiweseselliiwa, oneereweeriha mirima ddanyu ni maganizwaanyu ohikhupanya ekaamba ya Khrisitu Yesu.