2 Akorinto 10:18 - Mawu a Mulluku

¹⁸ Muthu oyo aniitetheella yeekha khanaakhullelliwa koma oyo anatetheelliwa ni Apwiya.

2 Akorinto 10:18 ပူးပေါင်းရင်းမြစ်များ

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Miyambo 21:2

Erive ettilla wa muthu tti yaphaama vamiitthoni vaye koma Apwiya enneesa murima.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Aroma 2:29

Koma Muyuda awoona tti muthu oyo ari Muyuda muwari, oophaddiwa m'murimani mwaye. Nave ella eneereya ni Munepa a Mulluku, ohiri ni malamulo oolembiwa. Muthu yooyo annatetheelliwa ni Mulluku, ohiri ni athu.

2 Akorinto 10:12

Khaninapaalla wiiphwanaphwaniha apaalle ollikana ni athu ayo eniitetheella weekhiiwa. Yaayo khenna ezeru! Eniiphwanihera weekhiiwa nave enaddeeruza weekhiiwa ni mafanwiwaayo!

Yohane 12:43

Vawi yaakonda waakhella olemu wa athu ohiyana ni waakhella olemu wa Mulluku.

Miyambo 27:2

Muhiye muthu mmodda uutthamalle ohiri eyanwaawo. Muhiye mulleto uuriihe ohiri weekhaawo.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

2 Akorinto 13:7

Ninnavekella wa Mulluku wi muhichimweke. Khahiyo wi hiyaano nnooniha wi tti aphaama koma wi mweereke ddaphaama naari amodda enoonaka wonanko oolephela.

2 Akorinto 6:4

Koma mu erive ello ninooniha wi niri oorumeyella a Mulluku. Vawi ninnavillella ddookhupanyiha, ddoohoosa, ddookatamiha,

Aroma 14:18

Vano arive muthu anamurumeyella Khrisitu mwawi ddiidda annaamuhakallalliha Mulluku nave annavahiwa olemu ni athu.

2 Timoteo 2:15

Ollipihelle okhalla awaakhullelleya vamiitthoni va Mulluku, wonanko mullupa mutteko oohiwulliwa muru ni muttekwaaye, oyo anahuddiha othenga wawoona wa Mulluku.

2 Akorinto 5:12

Khaniniitetheella weekhiihu wa nyuwaano koma ninapaalla wuuvahani ekaamba yaphaama wi munikotelleke hiyaano wi mwawore owaakhulla ayo enakotella ddawooneya ni miittho ohiri dda m'murimani mwiwa.

2 Akorinto 3:1

Ethiyo niniitetheellattho weekhiihu? Apaalle ninnapaalla kalata otetheella wa nyuwaano apaalle ovenyera wa nyuwaano wonanko athu amodda?

1 Akorinto 11:19

Yookayikella kheyiivo, onaphwanella wi vikhalle okawaneya variyari va nyuwaano wi ayo eri oororomelleya yooneye phaama.

Aroma 16:10

Mooni wa Apelesi, oorumeyella ororomelleya a Khrisitu. Moonittho wa a mu nibanja na Aristobulo.

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Miyambo 12:8

Muthu annariihiwa moollikana ni ezerwaaye koma ookhoromana murima annavevulliwa.