2 Akorinto 10:13 - Mawu a Mulluku

¹³ Nave khanikotella mookhwaranya muyezwaahu koma nineerokotella mutteko oyo Mulluku aninnyalleeye wi niwuphare. Nave nyuwaano tti embali emodda ya muttekwaahu.

2 Akorinto 10:13 ပူးပေါင်းရင်းမြစ်များ

Aroma 15:20

Yoopaallaaka tti ollalleya othenga waphaama m'mapuroni mmo athu ehiiwalliiwa nnddina na Khrisitu wi kihimake va matthipello yakeraatthihiwe ni muthu mmodda.

Aroma 12:6

Nookhalla ni emphaso ddoohiyanahiyana moollikana ni echisomo eyo Mulluku anivahilleeye. Sika emphaswaahu yakhalla yoollotella mawu a Mulluku nillotelleke moollikana ni echikhulupililwaahu.

1 Petro 4:10

Arive muthu moollikana ni mmo ariiye kapitawo a emphaso dda Mulluku, amurumeyelleke mukhwaaye ni emphaso eyo aavahiweeye ni Mulluku.

Aefeso 4:7

Arive muthu a hiyaano ahaakhella emphaso yaayeyaaye moollikana ni mmo Khrisitu avelleelleeye.

1 Akorinto 12:11

Nave tti Munepa mmoddave yooyo aneera ddittheddenenndda. Annavaha emphaso yoohiyanahiyana wa arive muthu mmo anapaallelleeye.

Aroma 12:3

Ekaamba ya echisomo eyo Mulluku aakivahilleeye, kinallota wa arive muthu variyari vanyu wi muhiganizeke wi nyuwaano tti uullupalli ohiyana ni mmo mukhallelleenyu. Koma maganizwaanyu ekhalle awiiyeviha moollikana ni waata wa echikhulupililo eyo Mulluku uuvahilleeyeni.

Aroma 10:18

Nave kinakoha wi, “Tti ddawoona wi kheyaawiiwalle othenga?” Khe ddawoona, yahiiwa, wonanko mmo mawu a Mulluku enallotelliiwa wi, “Mawiiwa yaavuwa mu ellapo yavatthi ettheene nave ddoollota ddiwa ddaaphiya wookomella ellapo yavatthi.”

Mateyu 25:15

Aamuvaha arive muthu moollikana ni ezeru ddaye. Mmodda aamuvaha makobiri matthanu ni mmodda meelli ni mmoddattho nimodda. Vano aatimulla va olendwaaye.

Yesaya 28:17

Echilungamo sika enaakhalle wonanko mukwe woolingella matthipellwaaye nave weella murima onaakhalle wonanko yawookollellaaye. Koma marallalla eneerewoononga ddawoottha nnddo munaddiroromelleenyu nave echigumula eneeropwiniha nipuro nanyu noovulluwellamo.”

Miyambo 25:14

Athu ayo enalonjeza koma ehinakwakhwaniha tti wonanko mirapo ni ephevo nnddo ddihinamurupiha murimu.

Masalimo 19:4

Koma othengiiwa onnavuwa va ellapo yavatthi ettheene, mawiiwaayo ennaphiya wookomella ellapo yavatthi. Mulluku aanimakella nndduwa enyumba muddullummo.