2 Akorinto 10:1 - Mawu a Mulluku

¹ Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

2 Akorinto 10:1 ပူးပေါင်းရင်းမြစ်များ

2 Akorinto 10:10

Vawi amodda enallota wi, “Makalata a Paulo tti amasiva ni oowalli. Koma akhalla ni hiyaano, anakhalla oofooka nave mawaaye tti oohikhalla ni mutteko.”

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Agalatiya 5:2

Ngiiwani! Miyaano Paulo kinuulleellani wi mwaakhullella wi muphaddiwe, ddinattaphullella wi nyuwaano khamunna mutteko ni Khrisitu.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

2 Akorinto 11:30

Kaphwanella okota, kinaakotelleke ddeko ddinooniha mmo kifookelleemi.

1 Akorinto 2:3

Sika kawiilleemi wa nyuwaano, kaari oofooka ni ootthukumella ni woova,

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

Filemoni 1:9

Koma ekaamba ya okondana wahu, kinapaalla wuuveka, miyaano Paulo, oomwimellella Khrisitu Yesu navettho a mundende ekaamba ya omurumeyella olliye.

2 Atesalonika 3:17

Miyaano Paulo kinalemba dda moonoolla meekhaami. Mawu yaalla sika echizindikirwaaka mu arive kalata kinamulembeemi.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Agalatiya 4:13

Vawi upuwellani wi kallalleyeemi othenga waphaama wa nyuwaano enthawi yawaamba, kaanavoriiwa.

2 Akorinto 12:5

Sika kineeromukotella mullopwana yoolla nave ngiikotella meekhaaka koma ddekove ddinooniha ofooka waka.

2 Akorinto 11:21

Kinnawulliwa muru wi killote wi hiyaano naari oofooka wi neere ddeko ddennddo. Koma yeehina ekotelle wonanko ookarangeya, miyaanottho kineerokotella kaallotaka wonanko ookarangeya.

2 Akorinto 10:7

Onani ddawoona ddiwa. Aarimi arivo muthu anasimikiza wi tti aaye a Khrisitu, olliyooyo iimolleelle yeekha? Vawi hiyaanottho niri aaye a Khrisitu wonanko olliyooyo.

2 Akorinto 10:2

Kinuuvekani wi muhikiwatihere okhalla ootokollolla kaphiya. Vawi kinnasimikiza wi miyaano kineerewaahumullulla moowalli athu ayo enallota wi meerellwaahu tti wonanko a athu a ellapo yavatthi.

2 Akorinto 7:4

Kinnallota moohoova ello navettho kinnuukotellani! Mu ddoohoosa ddahu ddittheddene kinnallipa murima wunchichi navettho kiri oohakallalla ni murimaaka muttheene.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

2 Akorinto 5:20

Vano hiyaano tti akazembe a Khrisitu nave Mulluku annuuvekani oweella mwa hiyaano. Vano ninnuuvekani munipuroni mwa Khrisitu wi mwaattanihiwe ni Mulluku.

2 Akorinto 3:12

Kaambiiwa nookhalla ni etiyerello yeella, khaninoova voollalleyani othenga.

1 Akorinto 4:10

Hiyaano tti ookarangeya ekaamba ya Khrisitu koma nyuwaano tti eezeru mwa Khrisitu! Hiyaano tti oofooka koma nyuwaano tti amasiva! Nyuwaano munnavahiwa olemu koma hiyaano ninnavevulliwa!

Aroma 15:15

Koma mu kalatoolla ddeko ddimodda kilembille moollipa murima wi kiwuupuseni ddennddo ekaamba ya mutteko kavahiweemi mwa echisomo ni Mulluku

Aroma 10:20

Nave Yesaya aallipa murima wunchichi voollotani wi, “Kaaphwanyiwa ni ayo yahikaashille nave kaaddoonihella meekha wa ayo yahikivekille.”

Mitteko 8:32

Vano mawu a Mulluku eerengeeyaayo yaari wi, “Wonanko enkhosa yookusiwa wi yiiphiwe, wonanko mwaanaankhosa oomaalleya voomuchemani, olliye khaawakhunlle ello.

Mateyu 21:5

“Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Masalimo 45:4

Oneyani mu oriiheya wanyu, muteteze yawoona, wiiyeviha ni echilungamo, nnatta nanyu noonihe mitteko ddanyu ddawoopiha.

1 Akorinto 4:21

Munapaalla tini? Kiwe wa nyuwaano ni ekopo yawuuwashullanani apaalle ni murima wa echikondi ni woomaalleya?

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

Afilipi 4:5

Mooniheke omaalleya wanyu wa arive muthu. Apwiya eneeroowa naanweene vaava.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Filemoni 1:19

Vano, kinalemba yeella ni nnatta naka wi, “Mi Paulo, kineerollivella.” Upuwella wi ekongolaawo wa miyaano tti okumaawo.