2 Akorinto 1:9 - Mawu a Mulluku

⁹ Naganiza wi nineerolamuliwa wi niiphiwe. Koma nndda ddaheereya wi nihiiroromelleke weekhiihu koma nimuroromelleke Mullukuve oyo anaavenyiha athu ookhwa.

2 Akorinto 1:9 ပူးပေါင်းရင်းမြစ်များ

2 Akorinto 3:5

Kheyiivo erive ello enaaneerihe ollota wi hiyaano ninnawora ophara mutteko yoolla koma masiva yaalla enavenyera wa Mulluku.

Aheberi 11:19

Sika Abrahamu aakhulupilila wi Mulluku ttuuwora omuvenyiha Isaki wa ookhwa. Vano aamwaakhellattho wonanko oovenyihiwa wa ookhwa.

2 Akorinto 4:7

Nave hiyaano nirina eyuuma ya Munepa niri wonanko mino wi noonihe wi masiva muullupalli tti a Mulluku, ohiri a hiyaano.

Yobu 40:14

Vatulli viwa, kineerewuutthamalla wi masivaawo ahuupambaniha.

Luka 18:9

Yesu ahaalleella niphwanaphwaniho athu ayo yiikhulupilila weekhiiwa wi tti oolungama yaavevullaka athu attheene.

Miyambo 28:26

Muthu anaroromella maganizwaayeve tti ookarangeya koma aweeta mweezeru aneerovulluwa.

Ezekiele 33:13

Naari kimulleelle muthu oolungama wi aneerokhalla ni okumi koma anaroromella va nnddo eerilleeye khalle, aamba ochimwa, ddoolungama ddaye ddittheddene eerilleeyennddo ddineerotiwalleya, aneerokhwa ekaamba ya machimwaaye.

Masalimo 22:29

Athu attheene eeyuuma eneeromukokhorella. Naari athu attheene ekhwaka ehiworaka osunga okumiiwa koma eneerewaakokhorella, ni ayo ehinawora wiisungella okumiiwa.

Miyambo 14:32

Athu oonanara ennatathilliwa ni ddoonanara ddiwa koma oolungama ennateteziwa ni echilungamwiiwa.

Yesaya 38:10

Kaanaganiza wi kiri musombwe mukitthikitthi, kineerotthaamella o ellapo ya ookhwa, kineeromallihella wenko miyakha ddaka ddoohalla.

Aroma 8:36

Mawu a Mulluku eni, “Mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.”

2 Akorinto 1:8

Asinnihu ni arokorihu, ninaaka mudduwelle dda ddoohoosa noonilleehu mu echigawo ya Asiya.* Ddoohoosa ddahu ddaari dduullupalli ohiyana ni masivaahu. Nave khanaadduwella wi apaalle nineerokhalla ni okumi.

2 Akorinto 1:10

Aanivullusa ovenyera o ddawoopiha dda okhwa nave aneeronivullusattho nave etiyerellwaahu eri mwa olliye wi aneeronivullusattho wiilli.