2 Akorinto 1:6 - Mawu a Mulluku

⁶ Ninnahoowa wi mukhurumusiwe murima nave muvullusiwe. Hiyaano naakhurumusiwa murima, nyuwaano muneerokhurumusiwattho murima ni ovahiwa masiva oovillella ddoohoosa nnddottho ninavillelleehu.

2 Akorinto 1:6 ပူးပေါင်းရင်းမြစ်များ

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

2 Akorinto 1:4

Mulluku annanikhurumusa murima mu ddoohoosa ddahu ddittheddene wi niworettho waakhurumusa murima akhwiihu ayo eri mu ddoohoosa ddoohiyanahiyana moollikana ni mmo hiyaano nakhurumuselliweehu murima.

Afilipi 1:19

kaambiiwa kinnadduwella wi kineerottaphulliwa ekaamba ya mavekellwaanyu ni nikavihero noovenyera wa Munepa wa Yesu Khrisitu.

Aefeso 3:13

Vano kinimuuvekani wi muhikhupanyeke kaahoosiwaka ekaamba ya nyuwaano vawi tti woopinduliha wa nyuwaano.

2 Akorinto 5:5

Mulluku sika anikhozenre ello yeella nave aanivaha munepaaye wonanko echikole.

Aroma 8:28

Ninnadduwella wi mu ddeko ddittheddene Mulluku annaphara mutteko va athu ayo enamukonda wi ddaakhallelle phaama. Athu yaayo tti ayo aawiithanneeye moollikana ni yoolingaaye.

2 Akorinto 12:15

Kineerohakallalla ovelleella ddaaka ddittheddene ni meenettho wi kuukavihereni. Nave ethiyo kaawuukondakani wunchichi, nyuwaano mukikondeke vang'ono?

Mitteko 21:5

Nave mallapwaahwaalle yamanlliiwa, naatimulla voolendonaahu. Attheene vamodda ni awariwa owaaka aniiwa, yaanivelleella okhuma m'muzindani mulle eniphiyiha mukhwipi mwa enyanja, wenko naakokhora attheene nave nivekella.

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.