2 Akorinto 1:3 - Mawu a Mulluku

³ Hankoni nimutitimihe Mulluku Attiitthiiwa a Apwiihu Yesu Khrisitu, Attiitthiihu a ethakaraka, Mulluku ookhurumusa murima wunchichi!

2 Akorinto 1:3 ပူးပေါင်းရင်းမြစ်များ

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Afilipi 2:11

Nave ddittheddene ddineerewaakhullella wi, “Yesu Khrisitu tti Apwiya,” o ntitimiho na Mulluku Attiitthiihu.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

2 Yohane 1:9

Oyo ahinasunga ehuddiho ya Khrisitu koma anoonjereravo, khanna Mulluku. Oyo anasunga ehuddiho yeella ookhalla ni Attiitthinnya ni Mwaaneene.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Daniele 4:34

Koma miyakha mitthanu ni miilli ddamanlliiwa mi Nebukadinezara kaaweha oddullu nave ezeru ddaka ddaahokollowa. Sika kaamutthamalla Mulluku Ooddullu nave kaathokoza ni omutitimiha Mulluku a enthawi yoohimalla. Kaallota wi, “Aneerolamulella wa enthawi yoohimalla, omwenaaye tti wa mibado ddittheddene.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

2 Akorinto 11:31

Mulluku, Attiitthiiwa a Apwiya Yesu ennadduwella wi miyaano nginallota ddawoottha. Nnddina naye nidalisiwe enthawi yoohimalla.

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Masalimo 18:46

Apwiya tti ookumi! Nititimiheye nlluku naka, ariiheye Mullukwaaka, ookivullusaka!

Nehemiya 9:5

Vano Alevi monga Yeshuwa, Kadimiyele, Bani, Hashabuneiya, Hodiya, Shebaniya ni Petahiya yaallota wi, “Ngavenyani naatitimihe Apwiya Mullukwaanyu enthawi ddittheddene. Nidalisiwe nnddina niwa nootitimiheya nno ninawellihiwa okhwaranya madaliso ni ollapella wutthewene.”

2 Yohane 1:4

Kaahakallalla ni murimaaka muttheene wi kahaaphwanya amodda mwa aniinyu ekhallaka mu yawoona, wonanko mmo Attiitthiihu yaanilamulelliiwa.

Yohane 10:30

Miyaano ni Attiitthaaka niri amodda.”

Genesis 14:20

Atitimihiwe Mulluku Amasiva Mattheene oyo aweerihalle wi waagonjihe adanaawo.” Vaavo Abramu aavelleella wa Melkizedeki erive yaneekhumi ya ddeko ddittheddene aakhilleeye.

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Yobu 1:21

allota wi, “Epwillimwinddive kaakhuma m'mirimani mwa amoowe nave epwillimwinddive kineerovollowa mu mahame. Apwiya yaavaha nave Apwiya ahaakha. Nititimihiwe nnddina na Apwiya.”

1 Epilli 29:10

Vano Davide ahaatitimiha Apwiya vamiitthoni va mutthukumano muttheene nave aallota wi, “Nyu Apwiya Mulluku a Israele, nikhollo na Yakobo mutitimiheye wa enthawi yoohimalla”

Masalimo 68:35

Mulluku tti awoopiha mu nipuro naye noopatuleya. Mulluku a o Israele sika anavaha masiva ni waallipiha mwiilli athwaaye. Mulluku atitimiheye!

Yesaya 66:13

Kineerewuukhurumusani murima o Yerusalemu wonanko mmo mutthiyana anamukhurumuselleeye murima mwanaye.

2 Akorinto 7:6

Koma Mulluku oyo anallipiha murima wookhumuwa, aanillipiha murima hiyaano va owa wa Tito.

Akolose 1:3

Ninnamuthokoza Mulluku, Attiitthiiwa a Apwiihu Yesu Khrisitu enthawi ddittheddene naawuuvekellakani.