2 Akorinto 1:10 - Mawu a Mulluku

¹⁰ Aanivullusa ovenyera o ddawoopiha dda okhwa nave aneeronivullusattho nave etiyerellwaahu eri mwa olliye wi aneeronivullusattho wiilli.

2 Akorinto 1:10 ပူးပေါင်းရင်းမြစ်များ

1 Timoteo 4:10

Vawi ninnaphara mutteko moollipihella kaambiiwa nookhalla ni etiyerellwaahu mwa Mulluku Ookumi, oovullusa athu attheene, makamaka ookhulupilila.

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.

Masalimo 34:19

Athu oolungama ennoona ddoohoosa ddinchichi, koma Apwiya ennaavullusa mu ddittheddene.

1 Samuele 17:37

Apwiya ayo yakivullusalle omikangoni ni o ezimbalangondo, aneerokivullusa wa Mufilistoolla.” Vano Saulo aamulleella Davide wi, “Khawe, Apwiya ekhalle ni weyaano.”

Aroma 15:31

Muvekelle wi Mulluku akiteteze wa athu oohikhulupilila o Yudeya navettho wi orumeyella waka o Yerusalemunko okhalle wawaakhelliwa ni athu a Mulluku.

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

Mitteko 26:21

Ella sika ekaambiiwa kaariimi mu enyumba ya Mulluku Ayudaalla yaakiphara nave yapaalla okiipha.

Yesaya 46:3

“Nyu edduullu dda Yakobo, kiiwellelleni, nyu attheene oohalla a mu nibanja ya Israele. Kohuupwathani ovenyera eyariwellwaanyu, kahuutukhullani waambeella m'mirimani mwa ameenyu.

1 Samuele 7:12

Enre ddiiddo, Samuele aakusa nlluku aniimesa variyari va Mizipa ni Shene aninnya nnddina nawi Ebenezeri ottaphullella wi, “Nlluku na nikavihero,” Vawi aallota wi, “Ophiyera ollello Apwiya ennanikavihera.”

Daniele 3:17

Mullukwaahu ninamurumeyelleehu aneerowora onaakiha mu eng'anjo yamunllo nave aneeronivullusa mu nnatta nanyu, amwene.

Daniele 6:16

Sika mwene aalamula wi yamuphare Daniele emuvokhelle mu nlliti na mikango nave mwene aallota ni Daniele wi, “Mullukwaawo onamurumeyelleewe moororomelleya enthawi ettheene uuvulluse!”

2 Akorinto 1:9

Naganiza wi nineerolamuliwa wi niiphiwe. Koma nndda ddaheereya wi nihiiroromelleke weekhiihu koma nimuroromelleke Mullukuve oyo anaavenyiha athu ookhwa.

2 Akorinto 6:9

Ninnooniwa wonanko oohidduwanyeya naari nidduwanyeyaka ni athu attheene, wonanko nookhwa naari niri ni okumi, wonanko noollakiwa naari nihiiphiwe.