1 Yohane 5:3 - Mawu a Mulluku

³ Vawi omukonda Mulluku onattaphullella wiiwellella malamulwaaye. Nave malamulwaaye khehiyo ookatamiha,

1 Yohane 5:3 ပူးပေါင်းရင်းမြစ်များ

Yohane 14:15

“Mwaakikondaka miyaano muneerothwara malamulwaaka.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

2 Yohane 1:6

Echikondi kinaakeemi tti wawi ninaphwanella nikhalleke awiiwellella malamulo a Mulluku. Lamulo nno mwiiwalleenyu ovenyera vawaamba, tti nawi attheene mukhalleke ookondana.

1 Yohane 2:3

Niiwellella malamulo a Mulluku, sika ninnasimikiza wi ninnamudduwella.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Aroma 7:22

Murimaaka muttheene onnahakallalla ni malamulo a Mulluku.

Yohane 15:14

Nyuwaano tti akhwaaka mweera kinuulamuleemini.

Daniele 9:4

Kaavekella wa Apwiya Mullukwaaka, waakhullella machimo wi, “Nyu Apwiya Mulluku muullupalli ni awoopiha, munnasunga echipanganwaanyu ni echikondaanyu yoohisintheya wa athu ayo enuukondani ni othwara malamulwaanyu.

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.

Aroma 7:12

Vano malamulo mattheene tti aweella, awoona navettho aphaama.

Miyambo 3:17

Ezeru eneeroweeriha okumaawo ohakallalla nave eneerekoweetiha mwamurendelle.

Masalimo 119:140

Mawaanyu tti oosimikizeya, mi oorumeyellaanyu kinnaakonda.

Masalimo 119:45

Kineereweeta mwamurendelle, kaambiiwa kinnapwatha malamulwaanyu.

Deuteronomo 5:10

Koma mibado ddooheerengeya nnddo ddinakikonda miyaano ni wiiwellella malamulwaaka kinnaddikonda ni echikondi yoohisintheya.

Eksodo 20:6

Koma mibado ddooheerengeya nnddo ddinakikonda miyaano ni wiiwellella malamulwaaka, kinnaddikonda ni echikondi yoohisintheya.

Mateyu 23:4

Enaawatihera athu wiiwellella malamulo ookatamiha ayo enakhalla wonanko ddeko ddoollemella ni ddookatamiha otukhulla. Koma alliwa khenapaalla naari wookolla eyaalliiwa wi yaakavihere otukhullanko.

2 Mamwene 18:6

Olliye aawanddeellella wa Apwiya. Khaahiyalle waathwara Apwiya nave aanasunga malamulo ayo yamuvahilliiwa Mose.