1 Yohane 5:20 - Mawu a Mulluku

²⁰ Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

1 Yohane 5:20 ပူးပေါင်းရင်းမြစ်များ

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Luka 24:45

Vano aahulla miru ddiwa wi yiiwesese phaama mawu a Mulluku.

Yohane 14:9

Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.

Yohane 20:28

Tomasi ahaakhulla wi, “Apwiyaaka ni Mullukwaaka!”

Yawuupullulla 3:7

“Omulembelle oohoollella a mpingo wa o Filadelfiya wi, “Alla sika mawu oovenyera wa oyo ari aweella ni awoona, oyo arina makiiyi a olamulello a Davide nave ahulla nchiwi khaavo muthu anaawore owalla navettho awalla khaavo muthu anaawore ohulla awi,

1 Yohane 4:16

Nave hiyaano weekhiihu ninnadduwella ni okhulupilila mmo Mulluku ananikondelleeye. Mulluku tti echikondi nave ayo enakhalla mu echikondi ennakhalla mu eyaattano ni Mulluku nave Mulluku annakhalla mu eyaattano ni alliwaayo.

Aroma 9:5

Alliwaalla tti edduullu dda Aisraele makhollo oovuwaalle ayo yaari makhollo a Khrisitu mwa omuthu. Mulluku oyo analamulella ddeko ddittheddene atitimihiwe enthawi yoohimalla! Amen.

Yohane 10:30

Miyaano ni Attiitthaaka niri amodda.”

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

1 Yohane 4:2

Mmu sika munaaworeenyu odduwella wi tti Munepa a Mulluku. Arive muthu anaakhullella wi Yesu Khrisitu aawa wonanko muthu ookhalla ni Munepa woovenyera wa Mulluku.

1 Yohane 2:6

Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.

Aheberi 1:8

Dda Mwanaye, Mulluku allotille wi, “Nyu tti Mulluku, omwenaanyu onaakhalle wa enthawi yoohimalla! Munalamulella va athwaanyu mwa echilungamo.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Yohane 17:14

Kahaavaha mawaanyu. Nave athu a ellapo yavatthi yaawiita oohudderaaka kaambiiwa khenakhalla a ellapo ya vattheeyo wonanko miyaanottho nginakhalla a ellapo yavatthi.

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Yawuupullulla 6:10

Yaakhuwa moowelliha mawu wi, “Apwiya, muri aweella ni awoona! Munatiyerella ophiyera niini ohiwiipa mullatu ni waallaka athu a va ellapo yavatthi yaniiphallaayo?”

Yawuupullulla 3:14

“Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

1 Yohane 4:14

Nave nohoona nave vano niri amboni wi Attiitthiihu yaamurumiha Mwaniwa wi akhalle Oovullusa a ellapo yavatthi.

Afilipi 3:9

nave wi kaattanihiwe ni olliye. Nginnattho echilungamo yaakayaaka yoovenyera mwa wiiwellallani malamulo. Koma vano kookhalla ni echilungamo yoovenyera wa Mulluku oweella mwa echikhulupililo mwa Khrisitu.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Yohane 15:4

Khallani mwa miyaano nave miyaano kikhalle mwa nyuwaano. Enthambi khenimma ezipaso mwa weekhiiwa yaahikhalla vamuteekhoni wa mpesa. Emoddamoddave yeeyo, nyuwaano khamuwora wimma ezipaso mwaahikhalla mwa miyaano.

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

1 Yohane 2:24

Vano simikizani wi othenga mwiiwalleenyu ovenyera vawaamba okhalleke m'murimani mwanyu. Othenga yooyo wakhalla m'murimani mwanyu, sika muneerokhalla mu eyaattano ni Mwaana ni Attiitthinnyaayo.

Aefeso 3:18

wi nyuwaano vamodda ni athu attheene a Mulluku muwore wiiwesesa oramballalla ni orekama navettho owella ni owallamella wa echikondi ya Khrisitu.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Yohane 17:25

Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

1 Yohane 2:23

Vawi attheene enamukhoota Mwaana enaakhootattho Attiitthinnya. Ayo enamwaakhella Mwaanooyo aakhallattho ni Attiitthinnya.

1 Yohane 5:5

Ttaani anawora ogonjiha ellapo yavatthi? Tti muthu yooyove anakhulupilila wi Yesu tti Mwaana a Mulluku.

1 Yohane 5:15

Annaniiwa namuveka nave kaambiiwa ninnadduwella wi nndda tti ddawoona sika ninnadduwellattho wi oonivaha nnddo namuvekilleehu.

1 Yohane 5:18

Ninnadduwella wi ooyariwa wa Mulluku khenavirellella ochimwa vawi Mwaana a Mulluku annaateteza nave Oonanarooyo khawora waavoreya.