1 Yohane 5:18 - Mawu a Mulluku

¹⁸ Ninnadduwella wi ooyariwa wa Mulluku khenavirellella ochimwa vawi Mwaana a Mulluku annaateteza nave Oonanarooyo khawora waavoreya.

1 Yohane 5:18 ပူးပေါင်းရင်းမြစ်များ

1 Yohane 3:9

Ayo eyariwe mwa Mulluku khenavirellella ochimwa vawi mmiddo wa Mulluku ori mwa alliwaayo. Nave kaambiiwa Mulluku sika Attiitthiiwa, khewora ovirellella ochimwa.

1 Yohane 5:4

kaambiiwa ayariwe wa Mulluku annawora ogonjiha ellapo yavatthi. Nave ninnagonjiha ellapo yavatthi ni echikhulupililo.

Yuda 1:21

Mukhalleke mu echikondi ya Mulluku, mwaatiyeraka okumi woohimalla oyo Apwiya Yesu Khrisitu eneeriiwa yuuvaheni mwa echifundwiiwa.

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

1 Yohane 3:3

Arive muthu anatiyera yeella mwa Khrisitu anaddeelliha yeekhaaye wonanko mmo Khrisitu ariiye aweella.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

1 Petro 1:23

Vawi oweella mwa mawu a Mulluku Ookumi ni oohimalla, mooyariwa wiilli wonanko anamwani a nikhollo noohikhwa ohiri nookhwa.

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

Yohane 15:9

Kinnuukondani wonanko mmo Attiitthaaka enuukondelliiwani. Sika mukhalleke mu echikondaaka.

Masalimo 119:101

Kinnahiiha meto ddaka mu ettilla yoonanara, wi kisungeke mawaanyu.

Masalimo 18:23

Ngaari ni mullatu vamiitthoni vaye kaanaarapa machimo mu okumaaka.

Masalimo 17:4

Voohipwathani makhallello a athu amodda, kinniiwellella mawu a muwano mwanyu, nginathwara ettilla dda athu awaanganyera.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

1 Yohane 5:21

Anaaka, murapelleke mafano.

1 Yohane 4:6

Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

Yohane 15:7

Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

Yohane 1:13

Okhalla mwaana a Mullukunngu khawaavenyenre mu oyariwa woomuthwiiwa apaalle o opaalla wa mwiilli apaallettho o opaalla wa muthu koma wavenyenre wa Mulluku.

Miyambo 4:23

Wehera murimaawo okhwaranya ddittheddene oriiwena vawi okumaawo okonne mwemmo.

Masalimo 39:1

Kaallota wi, “Kineeropwatha ddaweera ddaka wi kihichimwe voollotani. Kineerowalla vayanoni vaka enthawi ettheene athu oonanara yakhalla ni miyaano.

1 Yohane 3:12

Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Yohane 15:4

Khallani mwa miyaano nave miyaano kikhalle mwa nyuwaano. Enthambi khenimma ezipaso mwa weekhiiwa yaahikhalla vamuteekhoni wa mpesa. Emoddamoddave yeeyo, nyuwaano khamuwora wimma ezipaso mwaahikhalla mwa miyaano.

Yohane 14:30

Ngillotattho ddinchichi ni nyuwaano vano kaambiiwa oolamulella a ellapweella animawa. Koma olliye khanna olamulello va miyaano.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Masalimo 119:3

ayo ehinalakwa, koma eneeta mu ettilla ddiwa.

Mateyu 5:37

Mukhulleke ollota wi, ‘Ee’ mwaapaallaka waakhullella apaalle, ‘Iyaayi mwaapaallaka oruna.’ Mawu munaanjerereenyu mwaallupellaka enavenyera wa Oonanarooyo.”

Mateyu 6:13

Muhinikuselle woweesiwa, koma munivulluse wa Oonanarooyo.

1 Yohane 5:15

Annaniiwa namuveka nave kaambiiwa ninnadduwella wi nndda tti ddawoona sika ninnadduwellattho wi oonivaha nnddo namuvekilleehu.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Levitiko 11:37

Erive echiwalo ya enama ddookhwannddo yamorella va mmiddo oyo athu enaakiiwa yaalle, mmiddooyo oneerokhallave waweella.