1 Yohane 5:16 - Mawu a Mulluku

¹⁶ Mwamoona mwanamunninyu apaalle murokorinyu eeraka machimo oohimukusella wookhwa, mumuvekelle wa Mulluku, sika wi amuvahe okumi. Alla tti yaayove machimwiiwa ehinaakusella wookhwa. Koma vookhalla machimo ookusella wookhwa nave nginallota wi mwavekelle wa Mulluku ekaamba ya yaayo.

1 Yohane 5:16 ပူးပေါင်းရင်းမြစ်များ

Yeremiya 11:14

We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella yaakiithanaka va enthawi ya ddoohoosa ddiwa.”

1 Samuele 2:25

Muthu amulakwella mukhwaaye Apwiya ttuuwaattaniha koma waachimwella Apwiya anaawaattaniheni ttaani?” Koma anamwanaayo kheyaawiwelleelle attiitthiiwaayo vawi waari opaalla wa Apwiya wi anamwanaayo yiiphiwe.

Luka 12:10

“Nave arive muthu anakillotella epewe, mi, Mwaana a Muthu, ttuuworeya okhululukelliwa koma oyo anallotella epewe Munepa Waweella khakhululukelliwa.

Yeremiya 14:11

Vatulli viwa Apwiya yaakilleella wi, “Ohaavekellelle athu yaalla, owaashella ddaphaama.

Yeremiya 7:16

Apwiya yaallota wi, “We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella.

Numeri 15:30

“Koma muthu oyo anachimwa mwaphudda, khaya tti Muisraele apaalle mulleto, ohaavevulla Apwiya nave muthooyo avenyihiwe variyari va Aisraele akhwaaye.

Eksodo 34:9

Sika aallota wi, “Apwiya, mwaarimi mukeerelle echifundo, kinimuuvekani wi muthaanane ni hiyaano. Athwaalla tti awumma murima koma pepaani munikhululukelle ddoolakwa ddahu ni machimwaahu nave munaakhelle hiyaano wi nikhalle athwaanyu.”

Genesis 20:17

Ekaamba ya Sara mwaara Abrahamu, Apwiya yaamumaka mwaara Abimeleki ni atthiyana attheene a munibanjani naye wi ehiyareke. Sika Abrahamu aamuvekella Abimeleki nave Mulluku aamuchiriha Abimelekooyo ni mwaariye vamoddattho ni awariye ang'onong'ono attheene wi yaayareke anamwani.

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Masalimo 106:23

Sika ekaambiiwa aalleelleeye wi aweerewoononga, Mose ootthoolliwaaye ahimmenlleke vamiitthoni vaye ni ohiiha osha murima waye wi ahiiwoononge.

Yohane 17:9

“Mi kinnaavekella yaayo. Nginaavekella athu a ellapo yavatthi koma ayo mwaakivahilleenyu miyaano kaambiiwa eri aanyu.

Ezekiele 22:30

Kaamwaashaasha muthu variyari viwa wi amake mpanda, wi iimelle mvo vakumuwalle, wi ateteze ellapo ni okipepesa wi kihiyoononge koma ngaamuphwanyille.

Numeri 12:13

Vano Mose ahaalleella mookhuwa Apwiya wi, “Mulluku kinimuuvekani wi mumuchirihe Miriyamu.”

2 Timoteo 4:14

Alekizandro oohana mikoko aakeerella ddoonanara ddinchichi, Apwiya eneeromullaka moollikana ni mitteko ddaye.

1 Samuele 12:19

Nave athu attheene yaawa wa Samuele ellota wi, “Pepaani, munivekelle hiyaano oorumeyellaanyu wa Apwiya Mullukwaanyu wi nihikhwe. Noodduwella wi nookhalla nichimwaka mutullimmu nave nohaanjereravo nichimo nimodda voovekani wi nikhalle ni mwene.”

1 Yohane 5:17

Ddaweera ddittheddene ddoonanara tti machimo koma vookhalla machimo oohimukusella muthu wookhwa.