1 Yohane 5:14 - Mawu a Mulluku

¹⁴ Noollipa murima vamiitthoni va Mulluku kaambiiwa ninnasimikiza wi annaniiwa namuveka erive ello moollikana ni opaalla waye.

1 Yohane 5:14 ပူးပေါင်းရင်းမြစ်များ

Yohane 14:13

Nave erive ello munaavekekeenyu mu nnddina naka kineereweera sika wi ntitimiho na Attiitthaaka nineerewooneya mwa miyaano, Mwaana.

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Yohane 15:7

Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

Mateyu 21:22

Mwakhalla ni echikhulupililo, muneerewaakhella erive ello munavekeenyu mu nivekello.”

Masalimo 34:17

Athwiiwa yaawinllaka wi yaakavihere, Apwiya enniiwa ni waavullusa mu ddookatamiha ddiwa ddittheddene.

Yakobo 4:3

Nave mwaveka khamunaakhella kaambiiwa munaveka moonanara. Ddooveka ddanyu munapaalla ophariha mutteko va ddeko ddawuuhakallallihani.

Yohane 9:31

Ninnadduwella wi Mulluku khanawiiwellella athu oochimwa. Koma muthu mmodda aamullapellaka Mulluku nave aneera opaalla waye vano Mulluku annamwiiwellella.

Aefeso 3:12

Mu eyaattano ni Khrisitu ni oyeella mu echikhulupilwaahu mwa olliye, ninnallipa murima oya vamiitthoni va Mulluku moohikayikella.

Yohane 16:24

Ophiyera vano khamuvekille erive ello mu nnddina naka, sika vano vekani nave muneerewaakhella wi muhakallalle murimaanyu muttheene.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

Miyambo 15:29

Apwiya ennaarekamella athu oonanara koma enniiwa mavekello a oolungama.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Masalimo 69:33

Valle Apwiya ennawiiwa athu oohoowa, khenaavevulla athwiiwa oomakiwa ni onyolo.

Masalimo 31:22

Kaallota mookhupanya wi, “Aakivenyiha m'mattani mwa nyuwaano.” Koma nyuwaano mwahiiwa oveka waka kuukhupanyelleemini wi mukikavihere.

Aheberi 10:35

Sika muhinatathilla ollipa wanyu murima vawi muneerothuviwa wuullupalli.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

Yohane 11:42

Kinnadduwella wi munnakiiwa miyaano mallapo mattheene koma kinallota ella ekaamba ya athwaalla wi ekhulupilile wi mwaakiruma.”

Yobu 34:28

Yaaweeriha oohoowa winllella wa Mulluku, olliye ahiiwa winlla wa oopaneya.

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

1 Mamwene 3:12

sika kineeroweerella nnddo ovekilleewe. Kineerewuuvaha ezeru ni odduwella wawi khanooneyeke muthu oophwanaphwana ni weyaano navettho khawa ooneya mmodda oophwanaphwana ni weyaano vatulli vawo.

Masalimo 145:19

Ayo enawoova Apwiya ennavahiwa ddoopaalla ddiwa, ennawiiwa winlla wiwa, ennaavullusa.

Miyambo 10:24

Eyo muthu oonanara anayooveeye eneeromumorella koma eyo anapaalla oolungama aneerovahiwa.