1 Yohane 5:10 - Mawu a Mulluku

¹⁰ Sika attheene enakhulupilila mwa Mwaana a Mulluku aakhalla ni omboni yoolla m'murimani mwiwa. Koma ayo ehinamukhulupilila Mulluku ennamweera awoottha kaambiiwa kheyaakhulupililalle omboni wa Mulluku dda Mwanaye

1 Yohane 5:10 ပူးပေါင်းရင်းမြစ်များ

Aroma 8:16

Munepa a Mulluku anniiwanana ni mirima ddahu wi hiyaano tti anamwani a Mulluku.

Agalatiya 4:6

Vawoonihani wi nyuwaano tti anaaye, Mulluku aarumiha Munepa wa mwanaye m'mirimani mwahu, Munepooyo onakhuwa wi, “Abba, Attiitthaaka.”

Yohane 3:33

Koma Oyo anaakhullella ombonaaye annasimikiza ni yeella wi Mulluku tti awoona.

Yohane 5:38

Nave khamunasunga mawiiwa m'murimani mwanyu kaambiiwa khamunakhulupilila mwa oyo aakirumalle.

Aheberi 3:12

Asinnaka ni arokoraka, chenjerani wi variyari vanyu vihikhalle mmodda a murima woonanara ni woohikhulupilila woomuhiyaniha ni Mulluku Ookumi.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.

1 Yohane 1:10

Nallota wi khaninachimweke, ninamweera Mulluku wi tti awoottha nave mawaaye kheri mwa hiyaano.

Masalimo 25:14

Apwiya ennaattana ni oowoova alliwa, ennaadduwelliha echipanganwiiwa.

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Akolose 3:3

Vawi mookhwa nave okumaanyu woovittheya ni Khrisitu mwa Mulluku.

Miyambo 3:32

Apwiya ennananariwa ni muthu oonanara koma ennaattana ni oolungama.

Yawuupullulla 12:17

Enowa yuullupalleelle yaasha murima ni mutthiyanooyo nave evira wi yawane ekhoto ni anaaye oohalla a mutthiyanooyo, yaalla sika athu attheene enathwara malamulo a Mulluku ni ovelleella omboni dda Yesu.

Yawuupullulla 2:28

Kineerewaavaha olamulello yoolla moollikana ni mmo kaakhellelleemi wa Attiitthaaka. Kineerewaavahattho etheneeri ya thanda.

2 Petro 1:19

Sika ekaamba ya yeella ninnasimikiza wi othenga woollalleyiwa ni anamallotella tti wawoona. Mwathwara yoolla muneereweera phaama kaambiiwa tti wonanko enyali yoomolleella mu nipuro na epiphi ophiyera ohinase etheneeri ya thanda yawala m'mirimani mwanyu.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Yesaya 53:1

“Ttaani akhulupililalle othengaahu? Ethiyo ttaani uupullullelliwe masiva a Apwiya?

Yobu 24:25

Ttaani vano anaakeere awoottha, wooniha wi mawaaka khenna mutteko?

Yeremiya 15:18

Kaambiiwa tini ddoohoosa ddaka ddihinamalliiwa, nikhwata naka nihinavolliiwa? Ethiyo munapaalla mukilleke wonanko mwanamuhinje wawumma apaalle muhinje woohikhalla ni maaddi?”

Yohane 3:18

Ayo enakhulupilila mwa Mwaana khaneeruziwa koma oohikhulupilila aheeruziwa khalle kaambiiwa khekikhulupililalle miyaano Mwaana mmoddave a Mulluku.

Agalatiya 4:1

Nave vano voovirellellani mwaana aamullopwana oyo anaahallena eyuuma ya Attiitthinnya anakhalla wonanko kaporo akhalla mung'onong'ono naari ddeko ddittheddene ddiri ddaaye.