1 Yohane 5:1 - Mawu a Mulluku

¹ Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.

1 Yohane 5:1 ပူးပေါင်းရင်းမြစ်များ

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

1 Yohane 4:7

Akhwaaka ookondiwa, hankoni nikondaneke kaambiiwa echikondi enavenyera wa Mulluku. Oyo anakonda tti ooyariwa wa Mulluku nave annamudduwella Mulluku.

1 Yohane 3:14

Ninnadduwella wi noohiyana ni okhwa nave noophiya mu okumi kaambiiwa ninnaakonda asinnihu ni arokorihu. Ayo ehinakondana aakhallave vatthi va masiva a okhwa.

1 Yohane 5:4

kaambiiwa ayariwe wa Mulluku annawora ogonjiha ellapo yavatthi. Nave ninnagonjiha ellapo yavatthi ni echikhulupililo.

1 Yohane 4:20

Nallota wi ninnamukonda Mulluku koma ninawiita asinnihu ni arokorihu hiyaano tti awoottha. Vawi athu khewora omukonda Mulluku oyo ehimoonilliiwa, ehaakondaka asinniwa ni arokoriwa, ayo ewoonilliiwa.

1 Yohane 3:9

Ayo eyariwe mwa Mulluku khenavirellella ochimwa vawi mmiddo wa Mulluku ori mwa alliwaayo. Nave kaambiiwa Mulluku sika Attiitthiiwa, khewora ovirellella ochimwa.

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Mateyu 16:16

Simoni Petro ahaakhulla wi, “Nyu tti Mesiya,* Mwaana a Mulluku Ookumi.”

1 Yohane 2:10

Ayo enaakonda asinniwa ni arokoriwa enakhalla mu owala nave kheyiivo emodda mwa alliwaayo enaawaakwakwatuwihe.

Yohane 15:23

Oyo anakiita miyaano, annawiitattho Attiitthaaka.

1 Yohane 4:2

Mmu sika munaaworeenyu odduwella wi tti Munepa a Mulluku. Arive muthu anaakhullella wi Yesu Khrisitu aawa wonanko muthu ookhalla ni Munepa woovenyera wa Mulluku.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Yohane 6:69

Nave hiyaano ninnakhulupilila nave ninnadduwella wi nyuwaano tti Aweella oovenyera wa Mulluku.”

1 Yohane 3:17

Athu eeyuuma yamoona mwanamunniwa apaalle murokoriwa oohoowa nave emummella murima, kheworattho ollota wi ennamukonda Mulluku.

Mitteko 8:36

Yavirellelliiwa ni musewooyo, yaaphiya vanipuroni vamodda vookhalla maaddi nave muullupallooyo aallota wi, “Ngoona maaddi, yookihiiha ttiivi wi kihibatiziwe?”

Yohane 1:3

Mulluku aaphatusa ddeko ddittheddene oweella mwa Mawu nave kheyiivo ello naari emodda yaphatusiwe yahaarikivo yaayo.

1 Yohane 5:5

Ttaani anawora ogonjiha ellapo yavatthi? Tti muthu yooyove anakhulupilila wi Yesu tti Mwaana a Mulluku.

1 Yohane 5:18

Ninnadduwella wi ooyariwa wa Mulluku khenavirellella ochimwa vawi Mwaana a Mulluku annaateteza nave Oonanarooyo khawora waavoreya.

Luka 7:5

Vawi annaakonda Ayuda nave aanimakellattho enyumba yamavekello.”