1 Yohane 4:7 - Mawu a Mulluku

⁷ Akhwaaka ookondiwa, hankoni nikondaneke kaambiiwa echikondi enavenyera wa Mulluku. Oyo anakonda tti ooyariwa wa Mulluku nave annamudduwella Mulluku.

1 Yohane 4:7 ပူးပေါင်းရင်းမြစ်များ

1 Yohane 4:20

Nallota wi ninnamukonda Mulluku koma ninawiita asinnihu ni arokorihu hiyaano tti awoottha. Vawi athu khewora omukonda Mulluku oyo ehimoonilliiwa, ehaakondaka asinniwa ni arokoriwa, ayo ewoonilliiwa.

1 Yohane 4:8

Oyo ahinakonda khanamudduwella Mulluku vawi Mulluku sika echikondi.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

1 Yohane 2:10

Ayo enaakonda asinniwa ni arokoriwa enakhalla mu owala nave kheyiivo emodda mwa alliwaayo enaawaakwakwatuwihe.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

2 Timoteo 1:7

Vawi Mulluku khaanivahille munepa wawoova koma munepa wa masiva, echikondi ni wiihiiha.

1 Yohane 4:12

Khaavo muthu amoonille Mulluku. Koma naakondanaka, Mulluku annakhalla mu eyaattano ni hiyaano nave echikondaaye ndithu ennakhalla mwa hiyaano.

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Agalatiya 4:9

Nave vawi munnamudduwella Mulluku apaalle killote wi vawi Mulluku annuudduwellani kaambiiwa tini munahokollweelleenyu wa minepa ddoolamulella, ddoofooka ni ddoohikhalla ni mutteko? Kaambiiwa tini munapaalleenyu okhalla akaporo wiillittho?

Yohane 13:34

Nave kinuuwiherani lamulo nanaanweene wi mukondaneke mmodda ni mukhwaaye. Mukondaneke mmodda ni mukhwaaye wonanko mmo kinuukondelleemini.

1 Akorinto 8:3

Koma muthu aamukondaka Mulluku, Mulluku annamudduwella olliyooyo.

1 Yohane 2:3

Niiwellella malamulo a Mulluku, sika ninnasimikiza wi ninnamudduwella.

1 Yohane 2:4

Ayo enallota wi ennamudduwella koma kheniiwellella malamulwaaye, tti awoottha nave mwa alliwaayo yawoona kheyaamo.

1 Yohane 2:7

Akhwaaka ookondiwa, lamulonna kinuulembelleemini tti nakhalle. Lamulo nakhallenna muriinyuna ovenyera vawaamba tti othenga mwiiwalleenyu.

1 Yohane 3:9

Ayo eyariwe mwa Mulluku khenavirellella ochimwa vawi mmiddo wa Mulluku ori mwa alliwaayo. Nave kaambiiwa Mulluku sika Attiitthiiwa, khewora ovirellella ochimwa.

1 Yohane 4:11

Akhwaaka ookondiwa, Mulluku aanikondaka mwawi ddiidda, sika ninaphwanella wi nikondaneke.

1 Yohane 4:16

Nave hiyaano weekhiihu ninnadduwella ni okhulupilila mmo Mulluku ananikondelleeye. Mulluku tti echikondi nave ayo enakhalla mu echikondi ennakhalla mu eyaattano ni Mulluku nave Mulluku annakhalla mu eyaattano ni alliwaayo.

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.

2 Yohane 1:5

Nave vano kinimuuveka mutthiyana ookondiwa wi nikondaneke. Nginuulembella lamulo nanaanweene koma tti lamulo naakhenlleehu ovenyera vawaamba.