1 Yohane 4:6 - Mawu a Mulluku

⁶ Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

1 Yohane 4:6 ပူးပေါင်းရင်းမြစ်များ

Yohane 14:17

Yoolla tti Munepa a yawoona. Ellapo yavatthi khewora omwaakhella kaambiiwa athu a mu ellapo yavatthi khenamoona apaalle omudduwella. Koma nyuwaano munnamudduwella kaambiiwa ari ni nyuwaano nave anakhalla mwa nyuwaano.

Yohane 10:27

Enkhosa ddaka ddinniiwa mawaaka, kinnaddidduwella nave ddinnakithwara miyaano.

Yohane 15:26

“Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

1 Yohane 4:4

Koma nyuwaano, anaaka, tti a Mulluku nave mohaagonjiha anamallotella awoottha kaambiiwa Munepa Waweella oyo ari mwa nyuwaano tti amasiva ohiyana ni munepa oyo ari mu ayo enakhalla mu ellapo yavatthi.

Yohane 18:37

Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”

1 Akorinto 14:37

Muthu mmodda aaganizaka wi olliye tti namallotella apaalle ookhalla ni emphaso ya Munepa Waweella, anaphwanella adduwelle wi kinuulembelleemini tti lamulo na Apwiya.

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.

1 Yohane 4:8

Oyo ahinakonda khanamudduwella Mulluku vawi Mulluku sika echikondi.

1 Timoteo 4:1

Nave Munepa Waweella annallota moollotesesa wi m'mallaponi oomallihella athu amodda eneerohiya echikhulupililwiiwa ni wiiwellella minepa ddoohollosa ni othwara ehuddiho dda minepa ddoonanara.

Yohane 13:20

Ddawoona, kinimuulleellani wi oyo anamwaakhella muthu oyo kinamurumeemi, anakaakhellattho miyaano. Nave oyo anakaakhella miyaano anamwaakhella oyo aakirumalle.”

Yohane 8:19

Vano yaamukoha wi, “Attiitthaanyu eri wuuwi?” Yesu ahaakhulla wi, “Khamunakidduwellesesa miyaano naari Attiitthaaka. Mwaakidduwelleseseke miyaano, mwawerewaadduwellattho Attiitthaaka.”

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Yesaya 29:10

Apwiya yohuukonihani ekhove ddookhwana, yohuukhuneellani miittho, ayo tti anamallotella nave yohuukhuneellani omuruni, ayo tti oollohella.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Yuda 1:17

Koma nyuwaano akhwaaka ookondiwa, muupuwelle ddallotiwe ni amurummwa a Apwiya Yesu Khrisitu.

2 Petro 3:2

Kinapaalla wi muupuwelle mawu yaallotiwe khalle ni anamallotella aweella navettho malamulo oovenyera wa Apwiya ni Oovullusa ayo yaavahiwe wa nyuwaano oweella mwa amurummwaanyu.

2 Akorinto 10:7

Onani ddawoona ddiwa. Aarimi arivo muthu anasimikiza wi tti aaye a Khrisitu, olliyooyo iimolleelle yeekha? Vawi hiyaanottho niri aaye a Khrisitu wonanko olliyooyo.

Aroma 11:8

wonanko mmo mawu a Mulluku enallotelliiwa wi, “Mulluku ahaavaha murima woohiiwesesa ddeko nave ophiyera ollello ooweeriha okhalla oohiiwa ni oohoona.”

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Yohane 8:23

Yesu ahaakhulla wi, “Nyu munavenyera va ellapo yavatthimva nave miyaano kinavenyera oddullu. Nyuwaano tti a ellapo yavatthimva koma miyaano khe a ellapo yavatthimva.

Yohane 10:3

Oowehera a vamullakoni annamuhullella mullakooyo nave enkhosa ddinniiwa mawaaye. Annaddiithana enkhosa ddayennddo manddiniiwa nave annaddihoollella vaatte.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

2 Epilli 18:21

Munepooyo waawaakhulla wi, ‘Kinaya kalloteke ddawoottha oyeella mwa anamallotellaaye attheene.’ Sika Apwiya yaallota wi, ‘Weera ddiiddo, oneeropambana. Khawe wamulleke.’