1 Yohane 4:4 - Mawu a Mulluku

⁴ Koma nyuwaano, anaaka, tti a Mulluku nave mohaagonjiha anamallotella awoottha kaambiiwa Munepa Waweella oyo ari mwa nyuwaano tti amasiva ohiyana ni munepa oyo ari mu ayo enakhalla mu ellapo yavatthi.

1 Yohane 4:4 ပူးပေါင်းရင်းမြစ်များ

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

1 Yohane 5:4

kaambiiwa ayariwe wa Mulluku annawora ogonjiha ellapo yavatthi. Nave ninnagonjiha ellapo yavatthi ni echikhulupililo.

Aroma 8:37

Koma mu ddeko ddittheddenenndda ninnapambana wunchichi oweella mwa olliyooyo ananikonda hiyaano!

1 Yohane 4:16

Nave hiyaano weekhiihu ninnadduwella ni okhulupilila mmo Mulluku ananikondelleeye. Mulluku tti echikondi nave ayo enakhalla mu echikondi ennakhalla mu eyaattano ni Mulluku nave Mulluku annakhalla mu eyaattano ni alliwaayo.

1 Akorinto 2:12

Hiyaano khanaawakhenlle munepa wa ellapo yavattheella koma naakhenlle Munepa woorumihiwa ni Mulluku wi nidduwelle ddittheddene Mulluku anivahilleeye.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

1 Yohane 4:13

Ninnadduwella wi ninnakhalla mu eyaattano ni Mulluku nave wi olliye anakhalla mu eyaattano ni hiyaano kaambiiwa oonivaha munepaaye.

Aefeso 6:10

Voomallihani, mwiillipiheke mu eyaattano ni Apwiya ni masiviiwa uullupalli.

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.

1 Yohane 3:24

Ayo eniiwellella malamulo a Mulluku ennakhalla mu eyaattano ni Mulluku nave Mulluku annakhalla mu eyaattano ni alliwaayo. Nave ekaamba ya Munepa oyo Mulluku anivahilleeye, ninnadduwella wi Mulluku annakhalla mu eyaattano ni hiyaano.

Yohane 12:31

Vano ella sika enthawi yaweeruza ellapo yavattheella nave oolamulella a ellapo yavattheella aneerovokhiwa otte.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

1 Yohane 4:6

Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

1 Yohane 2:13

Kinuulembellani nyuwaano makhollo kaambiiwa munnamudduwella oyo arivo ovenyera vawaamba. Kinuulembellani nyuwaano asombwe kaambiiwa moomugonjiha Oonanaroolle.

1 Akorinto 6:13

Athu amodda ennallota wi, “Ddoocha tti ddooya m'mirimani nave m'mirimani tti mwawaakhella ddoocha.” Ddawoona koma Mulluku aneerewoononga ddeko piilli ddenndda. Mwiilli khe waweerana ddooraruwa koma tti woowaarumeyellana Apwiya nave Apwiya sika enavaha ddoopaalleya dda mwiilli.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Yohane 16:11

Alliwaayo tti oolakwa va dda echiweruzo kaambiiwa oolamulella a va ellapo yavattheella oheeruziwa khalle.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Yohane 14:30

Ngillotattho ddinchichi ni nyuwaano vano kaambiiwa oolamulella a ellapweella animawa. Koma olliye khanna olamulello va miyaano.

1 Yohane 2:1

Kinuulembellani nyuwaano, anaaka wi muhichimweke. Koma mmodda achimwa, nookhalla ni oonipepesella wa Attiitthiihu, sika Yesu Khrisitu, oolungama.

1 Yohane 3:20

Naari murimaahu waanivaanyihaka, ninnadduwella wi Mulluku tti muullupalli ohiyana ni murimaahu nave wi annadduwella erive ello.