1 Yohane 4:2 - Mawu a Mulluku

² Mmu sika munaaworeenyu odduwella wi tti Munepa a Mulluku. Arive muthu anaakhullella wi Yesu Khrisitu aawa wonanko muthu ookhalla ni Munepa woovenyera wa Mulluku.

1 Yohane 4:2 ပူးပေါင်းရင်းမြစ်များ

1 Akorinto 12:3

Kinapaalla mudduwelle wi khaavo oyo anahoollelliwa ni Munepa a Mulluku anawora ollota wi, “Yesu tti ootembeleliwa!” Nave khaavo oyo anawora ollota wi, “Yesu tti Apwiya,” ahihoollelliwe ni Munepa Waweella.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.

1 Yohane 4:3

Koma oyo anakhoota wi Yesu Khristu aawa wonanko muthu, khanna Munepa a Mulluku. Munepa ariiyena tti woovenyera wa Mudani a Khrisitu. Mwahiiwa wi oneeroowa nave vano ori mommu mu ellapo yavattheella.

1 Yohane 2:23

Vawi attheene enamukhoota Mwaana enaakhootattho Attiitthinnya. Ayo enamwaakhella Mwaanooyo aakhallattho ni Attiitthinnya.

1 Yohane 1:2

Okumi wuupullulliwiiwa, naawoona sika ninavelleella omboni dda yooyo ni wuulleellani dda okumi woohimalla oyo waari ni Attiitthiihu nave wahuupullulliwa wa hiyaano.

1 Yohane 4:15

Muthu aakhullella wi Yesu tti Mwaana a Mulluku, annakhalla mu eyaattano ni Mulluku nave Mulluku annakhalla mu eyaattano ni olliyooyo.

2 Yohane 1:7

Ahuddihi awoottha anchichi ahooneya mu ellapo yavatthi ettheene, ayo ehinaakhullella wi Yesu Khrisitu aawa wonanko muthu. Muthu awi ddiiddo tti awoottha navettho tti mudani a Khrisitu.