1 Yohane 4:18 - Mawu a Mulluku

¹⁸ Mu echikondi khamuri woova. Echikondi yawoona ennakhumiha vaatte orive woova. Sika vano, echikondi khenakhalla yawoona mwa arive muthu oyo anoova kaambiiwa muthu aawoovaka sika wi anoova ollakiwa.

1 Yohane 4:18 ပူးပေါင်းရင်းမြစ်များ

2 Timoteo 1:7

Vawi Mulluku khaanivahille munepa wawoova koma munepa wa masiva, echikondi ni wiihiiha.

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

1 Yohane 4:12

Khaavo muthu amoonille Mulluku. Koma naakondanaka, Mulluku annakhalla mu eyaattano ni hiyaano nave echikondaaye ndithu ennakhalla mwa hiyaano.

Aheberi 12:28

Vawi nohaakhella omwene woohitikheya nimuthokozeke Mulluku nave nimullapelleke moophwanellella, moolemu ni mwawoova.

Yakobo 2:19

Weyaano onnakhulupilila wi Mulluku tti mmoddave, onneera phaama. Naarithi minepa ddoonanara ddinnakhulupililattho nave ddinnatthukumella.

Masalimo 119:120

Mwiillaaka onnatthukumella ekaamba yoowoovani, kinnoova echiweruzwaanyu.

Masalimo 73:19

Eneerewoonongeya va enthawi yooyeva, eneeromalla moorurumusa.

Yobu 15:21

Anniiwa mawu awoopiha owaruni waye, vaweesani wi ari vamurendelleni, anamasikita eneeromuhella ekhoto.

Mateyu 9:34

Koma Afarisi yaallota wi, “Tti muullupalli a minepa ddoonanara anamuvaha Yesu masiva ookhumiha minepa ddoonanara.”