1 Yohane 4:12 - Mawu a Mulluku

¹² Khaavo muthu amoonille Mulluku. Koma naakondanaka, Mulluku annakhalla mu eyaattano ni hiyaano nave echikondaaye ndithu ennakhalla mwa hiyaano.

1 Yohane 4:12 ပူးပေါင်းရင်းမြစ်များ

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

1 Yohane 2:5

Koma attheene ayo eniiwellella mawaaye, ddawoona, alliwa tti athu ayo echikondiiwa ya va Mulluku yeeriwe wi ekhalle yaphaama. Mmu sika ninadduwellelleehu wi niri mu eyaattano ni Mulluku.

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

1 Yohane 4:20

Nallota wi ninnamukonda Mulluku koma ninawiita asinnihu ni arokorihu hiyaano tti awoottha. Vawi athu khewora omukonda Mulluku oyo ehimoonilliiwa, ehaakondaka asinniwa ni arokoriwa, ayo ewoonilliiwa.

1 Yohane 3:24

Ayo eniiwellella malamulo a Mulluku ennakhalla mu eyaattano ni Mulluku nave Mulluku annakhalla mu eyaattano ni alliwaayo. Nave ekaamba ya Munepa oyo Mulluku anivahilleeye, ninnadduwella wi Mulluku annakhalla mu eyaattano ni hiyaano.

Eksodo 33:20

Apwiya yaavirellella ollota wi, “Koma khowora woona ekhovaaka, ekaamba yawi khaavo anaawore okoona miyaano ni okhalla ni okumi.”

1 Yohane 4:6

Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Genesis 32:30

Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.

Aheberi 11:27

Ekaamba ya echikhulupililo, Mose aakhumawo o Iguputo moohoova oowalli wa Farao vawi aanavillella wonanko muthu oomoona Mulluku oohooneyoolla.

1 Akorinto 13:13

Vano ddeko ddiraru ddoohimalla tti echikhulupililo, etiyerello ni echikondi. Nave yookhwaranya ddittheddenenndda tti echikondi.

1 Yohane 4:16

Nave hiyaano weekhiihu ninnadduwella ni okhulupilila mmo Mulluku ananikondelleeye. Mulluku tti echikondi nave ayo enakhalla mu echikondi ennakhalla mu eyaattano ni Mulluku nave Mulluku annakhalla mu eyaattano ni alliwaayo.