1 Yohane 3:8 - Mawu a Mulluku

⁸ Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

1 Yohane 3:8 ပူးပေါင်းရင်းမြစ်များ

Aheberi 2:14

Vawi anamwanaayo tti athu a mwiilli ni nikhame, Yesu mwaneenaaye aawa akhalla wonanko alliwa akawanana omuthwiiwa. Aheera ddenndda wi mwa okhwa waye amoononge Satana oyo arina masiva oowiiha okhwa,

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Akolose 2:15

Oweella mwa Khrisitu, vamutandani valle, Mulluku ahaagonjiha oolamulella attheene ni masiva mattheene ooddullu nave aanyaambusa vamiitthoni va athu attheene.

Aroma 16:20

Sika Mulluku oyo anavaha murendelle aneerewoononga veneva masiva a Satana nave aneeroweerihani wi mumulamulelle. Echisomo ya Apwiya Yesu Khrisitu ekhalle ni nyuwaano.

Yohane 16:11

Alliwaayo tti oolakwa va dda echiweruzo kaambiiwa oolamulella a va ellapo yavattheella oheeruziwa khalle.

Yohane 12:31

Vano ella sika enthawi yaweeruza ellapo yavattheella nave oolamulella a ellapo yavattheella aneerovokhiwa otte.

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.

Mariko 1:24

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Luka 10:18

Vano Yesu ahaalleella wi, “Kaamoona Satana amoraka wonanko ettari ovenyera oddullu.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

Mateyu 13:38

emateelle tti ellapo yavatthi. Mmiddo waphaamoolle tti athu ayo eniiwellella malamulo a mu omwene wa Mulluku koma nansongoloolle tti athu ayo eniiwellella malamulo a Oonanarooyo.

Yawuupullulla 20:10

Vano Satana, aallekilloolle, aavokhelliwa mu enyanja ya munllo ni sulufure, nko enama yuullupalli yawoopiha vamodda ni namallotella awoottha yavokhelliweewawo khalle nave eneerollakiwawo wa enthawi yoohimalla.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

1 Yohane 3:5

Munnadduwella wi Khrisitu ahooneya wi avenyihe machimo nave wi mwa olliye machimo kheyaamo.

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yuda 1:6

Muupuwelle angelo ayo yahikwakhwanihiwe ni olamulellwiiwa nave yaahiya mookhalla mwiwa. Mulluku ahaamaka ni onyolo woohiphaddeya nave ohaahiya onipuroni neepiphi ophiyera nllapo naweeruza nuullupallinne.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Mateyu 4:3

Vano Satanoolle aawa amweesa voollotani wi, “Nyu mwaarimi muri Mwaana a Mulluku lamulani mallukwaalla wi etthattuwe yoocha.”

Mateyu 12:28

Koma kaakhumihaka minepa ddoonanara ni masiva a Munepa a Mulluku ddinnooniha wi omwene wa Mulluku woowa khalle wa nyuwaano.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Aheberi 9:26

Khrisitu iiheraatthiki mukutho orive muyakha ddaano ahoowaka orive muyakha ovenyera mvo ellapo yavattheella yaphatuselliwiiwa. Koma vano akhwille omoddave waatamella o omamallihello wa ellapo yavatthimva wi iiheraatthi mwaneenaaye mukutho woohuwa machimo.

1 Yohane 1:2

Okumi wuupullulliwiiwa, naawoona sika ninavelleella omboni dda yooyo ni wuulleellani dda okumi woohimalla oyo waari ni Attiitthiihu nave wahuupullulliwa wa hiyaano.

Numeri 21:9

Sika Mose aapanga enowa ya mukuwa, ayitthomeya vamuteekhoni. Nave arive muthu allumiwa, aweha enoweeyo, aanakhalla ni okumi.