1 Yohane 3:6 - Mawu a Mulluku

⁶ Sika arive muthu anakhalla mu eyaattano ni Khrisitu khanavirellella ochimwa. Koma oyo anavirellella ochimwa khanamoone Khristu apaalle khanamudduwelle.

1 Yohane 3:6 ပူးပေါင်းရင်းမြစ်များ

3 Yohane 1:11

Mukhwaaka ookondiwa, ohittakihere eyo eri yoonanara koma ottakihere eyo eri yaphaama. Oyo aneera ddaphaama tti oovenyera wa Mulluku koma oyo aneera yoonanara khaamoonille Mulluku.

1 Yohane 3:9

Ayo eyariwe mwa Mulluku khenavirellella ochimwa vawi mmiddo wa Mulluku ori mwa alliwaayo. Nave kaambiiwa Mulluku sika Attiitthiiwa, khewora ovirellella ochimwa.

1 Yohane 2:4

Ayo enallota wi ennamudduwella koma kheniiwellella malamulwaaye, tti awoottha nave mwa alliwaayo yawoona kheyaamo.

1 Yohane 4:8

Oyo ahinakonda khanamudduwella Mulluku vawi Mulluku sika echikondi.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

1 Yohane 5:18

Ninnadduwella wi ooyariwa wa Mulluku khenavirellella ochimwa vawi Mwaana a Mulluku annaateteza nave Oonanarooyo khawora waavoreya.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

1 Yohane 2:3

Niiwellella malamulo a Mulluku, sika ninnasimikiza wi ninnamudduwella.