1 Yohane 3:4 - Mawu a Mulluku

⁴ Arive muthu oyo anachimwa khaniiwellella malamulo a Mulluku kaambiiwa ochimwa tti ohiiwellella malamulo.

1 Yohane 3:4 ပူးပေါင်းရင်းမြစ်များ

1 Yohane 5:17

Ddaweera ddittheddene ddoonanara tti machimo koma vookhalla machimo oohimukusella muthu wookhwa.

Aroma 3:20

Vawi Mulluku khaamulungamihalle arive muthu vamiitthoni vaye ekaamba ya wiiwellella malamulo. Malamulo enakhulla moona waadduwelliha athu wi aachimwa.

Numeri 15:31

Ekaamba yawi oovevulla mawu a Apwiya nave khiiwellelle lamulo niwa, muthu yooyo emuvenyihevo nave tti oophwanella ollakiwa.”

2 Akorinto 12:21

Kinoova wi kawattho Mullukwaaka aneerokiwulliha muru vamiitthoni vanyu nave kineerowinllella athu anchichi ayo yachimmwe nave khenarukunuwe murima o machimwiiwa, minkhella ddoonanara ni oraruwa.

Aroma 4:15

Vawi malamulo ennamweeriha Mulluku waashella murima athu koma vaahikhalla malamulo khavinakhalla ohiiwellella wa malamulo.

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

2 Epilli 24:20

Vano munepa wa Mulluku waavollowa mwa Zekariya mwaana a Yehoyada mullupa mukutho. Olliye ahiimella variyari va athu allota wi, “Apwiya enakoha wi, ‘Ethiyo kaambiiwa tini muhiniiwellelleenyu malamulo a mi Apwiya? Khaddiweetellani phaama. Ekaamba yawi mohaahiya Apwiya, alliwattho ahuuhiyani.’ ”

1 Samuele 15:24

Saulo aamulleella Samuele wi, “Koochimwa, ngaawiiwellelle Apwiya ni nyuwaano vawi kawoova athu ni owiiwellella alliwaayo.

1 Epilli 10:13

Sika Saulo aakhwa ekaamba ya ohiroromelleya waye, khaawiiwellella Apwiya, mwawi khaasunga malamulo a Apwiya navettho aveka ezeru wa athu ayo yallota ni minepa dda athu ookhwa

Yakobo 5:15

Nivekello nenna naweeriwa mu echikhulupililo nineeromuchiriha oovoriiwooyo. Apwiya eneeromuvenyiha nave aari achimwalle, aneerokhululukelliwa.

1 Mamwene 8:47

Vano eri wuukaporoninko yaadduwella ochimwa wiwa erukunuwa murima ni oveka wa nyuwaano mwawiiyeviha mu ellapo ya athu ayo yaaphanre okaporo, voollotani wi, ‘Noochimwa, noohollowa, noheera ddoonanara.’

Yesaya 53:8

Aaphariwa nave khaaweruziwe mwa echilungamo, khaavo apwathille. Okumaaye waakusiwa mwa olliye va ellapo yavatthi ekaamba ya machimo a athwaaka ahuukuthiwa.

Mateyu 5:19

Vano oyo ahiniiwellella nimodda na malamulo yaalla naari lamulo ning'onong'ono navettho anaahuddiha athu amodda wi ehiiwellelleke, yooyo aneerokhalla mung'onong'ono mu omwene wa Mulluku. Koma oyo aniiwellella malamulwaalla navettho anaahuddiha athu amodda wi yiiwellelleke, aneerokhalla muullupalli mu omwene wa Mulluku.

Mitteko 23:3

Nave Paulo aallota wi, “Mulluku eneerowuukutha weyaano, muthu awoottha, we tti wonanko esiri yoonanara eyo yeellihiwe! Okeraatthille vano wi okeeruze ollikana ni malamulo a Mose koma weyaano ohithwaraka malamulwaayo vawaalamulellani athu wi ekuukuthe miyaano!”