1 Yohane 3:3 - Mawu a Mulluku

³ Arive muthu anatiyera yeella mwa Khrisitu anaddeelliha yeekhaaye wonanko mmo Khrisitu ariiye aweella.

1 Yohane 3:3 ပူးပေါင်းရင်းမြစ်များ

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

1 Yohane 2:6

Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

Akolose 1:5

Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.

Mitteko 15:9

Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

Tito 3:7

Sika wi mwa echisomwaaye nilungamihiwe ni Mulluku navettho wi naakhellena okumi woohimalla oyo ninatiyereehu.

2 Petro 1:4

Mu ettilla yeella oonivaha emphaso dduullupalli ni ddoowallamella alonjezilleeye. Ekaamba ya emphaso ddenndda muneerothawa minkhella ddoonanara ni ddawoononga dda mu ellapo yavattheella nave muneerokawanana makhallello a omulluku.

Luka 6:36

Mukhalle a echifundo wonanko Attiitthaanyu ayo eri a echifundo.”

1 Yohane 4:17

Mwawi ddiidda echikondi yookhalla yawoona mwa hiyaano sika wi nikhalle oollipa murima va nllapo na echiweruzo kaambiiwa niri wonanko Yesu naari nikhallakave mu ellapo yavattheella.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

Aroma 15:12

Namallotella Yesaya anallotattho wi, “Mmodda a edduullu dda Yese aneeroowa, aneeroowa wi aalamulelle athu a mitundu ddimodda nave alliwaayo enaatiyereke va olliyooyo.”

2 Samuele 22:27

Wa athu ooreera murima, munnaddooniha oreera murima. Koma wa athu oonanara munnaddooniha oochenjera wunchichi.

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

1 Petro 1:15

Nave mukhalleke aweella murima mu ddeko ddittheddene muneereenyu vawi Mulluku oyo awiithanilleni tti aweella.