1 Yohane 3:2 - Mawu a Mulluku

² Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

1 Yohane 3:2 ပူးပေါင်းရင်းမြစ်များ

Afilipi 3:21

Olliye aneerotthattusa miilli ddahu ddoofookanndda nave aneeroddiphwanaphwaniha ni mwiillaaye wa ntitimiho, voopharihani masiva ayo anaworeeyena olamulella ddeko ddittheddene.

Akolose 3:4

Okumaanyu tti omurumeyella Khrisitu nave ooneya, sika nanyeenettho muneerewooneya ni olliyooyo nave muneerokhalla ni ntitimiho naye.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

1 Akorinto 15:49

Vawi ninnaphwanaphwana ni muthu awoopiwa ni ethaya, sika nineerophwanaphwanattho ni muthu ooddullu.

Yawuupullulla 22:4

Eneerewoona ekhovaaye nave nnddina naye nineerolembiwa va eyuuchi ddiwa.

2 Petro 1:4

Mu ettilla yeella oonivaha emphaso dduullupalli ni ddoowallamella alonjezilleeye. Ekaamba ya emphaso ddenndda muneerothawa minkhella ddoonanara ni ddawoononga dda mu ellapo yavattheella nave muneerokawanana makhallello a omulluku.

1 Akorinto 2:9

Nave mawu a Mulluku enallota wi, “Eyo muthu ahoonilleeye apaalle wiiwa, eyo muthu ahiganizereeye wi ttuuweereya, tti yeeyo Mulluku aakhozereeye ayo enamukonda.”

1 Yohane 3:1

Ngoonani mmo Attiitthiihu enanikondelliiwa wawi ninnaromolliwa anamwani a Mulluku. Ddawoona hiyaano tti anaaye. Ellapo yavatthi khenanidduwella kaambiiwa khenamudduwella Mulluku.

Agalatiya 4:6

Vawoonihani wi nyuwaano tti anaaye, Mulluku aarumiha Munepa wa mwanaye m'mirimani mwahu, Munepooyo onakhuwa wi, “Abba, Attiitthaaka.”

Aroma 8:18

Kinnasimikiza wi ddoohoosa dda mallapo yaalla khaddinaphwanaphwana ni ntitimiho ninawanno nno ninawuupullulliwe wa hiyaano.

Agalatiya 3:26

Mu eyaattano ni Khrisitu Yesu, attheenenyu tti anamwani a Mulluku oweella mu echikhulupililo.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Mateyu 5:8

Oodalisiwa tti ayo eri aweella murima, vawi eneeromoona Mulluku!

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

Aheberi 9:28

Emoddamoddave yeeyo Khrisitu aaheraatthiwa mukutho omodda wi atukhulle ni ohuwa machimo a athu anchichi. Aneeroowa wiilli oohikhalla wi eellihe machimo koma aavulluse ayo enamutiyera.

2 Akorinto 4:17

Nave ddookatamiha dding'onong'ono ninooneehu mvanndda ddineeroniphwanyella ntitimiho nuullupalli ni noohimalla, nookhwaranya ddookatahihannddo.

Yobu 19:26

Nttapara naka namalla woonongeya, komave mu okumi yoolla kineeromoona Mulluku.

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.

Masalimo 31:19

Ophaamaanyu tti wuullupalli oyo mwaasungenlleenyu athu oowoovani, oyo muweerelleenyu athu oothawella wa nyuwaano, oyo wooniwe ni arive muthu.

Yesaya 56:5

kineerewaavaha mu enyumbaaka ni muwari mwa esiri ddaka yawuupuwelliha ni nnddina nookhwaranya anamwani aallopwana ni aatthiyana. Kineerewaavaha nnddina noohimalla nno khaniwa nivenyihiwavo.”

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Malaki 3:2

Ttaani anaawore anaavillelle nllapo na owa wiwa? Ttaani aniimelle alliwa yaakhumellella? Vawi enaakhalle wonanko munllo wa aweeka mikoko apaalle sopo aweelliha.

Luka 17:30

Ddinaakhalle ddiiddo va nllapo na miyaano, Mwaana a Muthu, kawa kooneya.

Luka 20:36

Khekhwattho koma enaakhalle wonanko angelo. Kaambiiwa tti anamwani a Mulluku vawi aavenya wa ookhwa.

Yohane 1:12

Koma attheene ayo yamwaakhenlle olliye ahaavaha masiva wi ekhalle anamwani a Mulluku, wa ayo yakhulupililalle nnddina naye.

Yohane 11:52

ohiri munipuroni na mutundu yooyove komattho wi aatthukumanihe vamodda anamwani a Mulluku ayo yaapallalleyille.

Aroma 8:16

Munepa a Mulluku anniiwanana ni mirima ddahu wi hiyaano tti anamwani a Mulluku.

Aroma 8:19

Erive ello eyo yaphatusiwe ennatiyera moopaalla wi Mulluku awuupullulle anaaye.

1 Yohane 2:7

Akhwaaka ookondiwa, lamulonna kinuulembelleemini tti nakhalle. Lamulo nakhallenna muriinyuna ovenyera vawaamba tti othenga mwiiwalleenyu.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

1 Yohane 3:21

Sika vano, akhwaaka ookondiwa, murimaahu waahinivaanya nineerollipa murima vamiitthoni va Mulluku.

Yawuupullulla 2:28

Kineerewaavaha olamulello yoolla moollikana ni mmo kaakhellelleemi wa Attiitthaaka. Kineerewaavahattho etheneeri ya thanda.