1 Yohane 3:15 - Mawu a Mulluku

¹⁵ Attheene ayo enawiita amodda tti awiipha nave munnadduwella wi mwa awiipha khamuri okumi woohimalla.

1 Yohane 3:15 ပူးပေါင်းရင်းမြစ်များ

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Mitteko 23:14

Nave yaaya wa allupa mukutho uullupalli ni attekweene yallota wi, “Hi noollupella vamodda wi khanicha ophiyera nimwiiphalle Paulo.

Yakobo 1:15

Vano minkhella ddinakhalla wonanko ddinnakusa erukullu nave ddinnayara machimo. Nave machimwaayo yunnuwa, ennayara okhwa.

Mitteko 23:12

Ohinase Ayuda amodda yaakumana vamodda nave yiiwanana moollupella wi khecha apaalle owirya ophiyera emwiiphalle Paulo.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Mariko 6:19

Sika Herodiyasi aamwiita Yohane nave aapaalla omwiipha koma khaari ni mpata woweerella ddenndda.

Mateyu 5:28

Koma miyaano kinuulleellani wi, arive muthu anamuweha mutthiyana navettho anamupaalla, ooraruwana khalle m'murimani mwaye.

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

1 Petro 1:23

Vawi oweella mwa mawu a Mulluku Ookumi ni oohimalla, mooyariwa wiilli wonanko anamwani a nikhollo noohikhwa ohiri nookhwa.

Deuteronomo 19:11

“Koma muthu amwiipha mudanaaye mwaphudda nave vatulli viwa athawella o mmodda mwa mizindanndda wi avulluwe,

1 Yohane 2:9

Ayo enallota wi eri mu owala koma enawiita asinniwa ni arokoriwa, eri mwiipiphini enthawi yeella.

1 Yohane 2:11

Koma ayo enawiita asinniwa ni arokoriwa eri mwiipiphini. Eneeta mwemmo nave khenadduwella nko enayeewawo kaambiiwa epipheeyo yooripiha miitthwiiwa.