1 Yohane 3:12 - Mawu a Mulluku

¹² Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.

1 Yohane 3:12 ပူးပေါင်းရင်းမြစ်များ

Aheberi 11:4

Ekaamba ya echikhulupililo, Abele aaheraatthi mukutho waphaama wa Mulluku ohiyana ni wa Kaini, sika ahaakhullelliwa wi tti oolungama. Mulluku mwaneenaaye aahakallalla ni mukuthwaaye. Naari akhwille, echikhulupililwaaye tti omboni wa hiyaano.

Miyambo 29:27

Muthu oonanara annaananara oolungama nave awookolla ettillaaye annaananara oochimwa.

Genesis 4:25

Adamu aakonattho ni mwaariye Heva nave aakusa erukullu amuyara mwaana. Vano Hevooyo aallota wi, “Mulluku ookivaha mwaana mmodda ovollowa munipuroni mwa Abele olle iiphiwe ni Kaini.” Mwaanooyo aamuvaha nnddina nawi Seti.

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

Luka 11:51

waambeella va wiiphiwa wa Abele ophiyera va wiiphiwa wa Zakariya, oyo iiphiwe variyari va nipuro naweella ni nikuwa na mukutho mu enyumba ya Mulluku. Ddawoona, kinimuulleellani wi athu a mbadoolla eneerollakiwa ekaamba ya wiiphiwa wa athu attheenaayo!

Mateyu 23:35

Voothwarellellani, ollakiwa wa ayo yawiiphalle athu oolungama onaakhalle vamuruni va nyuwaano ovenyera va wiiphiwa wa Abele oolungama ophiyera va wiiphiwa wa Zakariya mwaana a Barakiya, oyo mwaamwiiphalleenyu variyari va nipuro naweella ni nikuwa na mukutho mu enyumba ya Mulluku.

Miyambo 29:10

Muthu awiipha anniitana ni muthu oohilakwa koma ooreera murima annapwatha okumaaye.

1 Petro 4:4

Nave athu oohimullapella Mulluku ennoona ddeelleto mwaahikhalla ni alliwa vaweerani ddoonanara, sika ennuullotellani epewe.

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

Masalimo 38:20

Ayo enakihokollosella ddoonanara munipuroni mwa ddaphaama ennakivaanyiha, vawi kinnathwara ddaphaama.

Masalimo 37:12

Muthu oonanara annamupanganella ddoonanara oolungama, annamuttheya moomullumella miino.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Yohane 10:32

Yesu ahaakoha wi, “Koowoonihani mitteko ddaphaama ddinchichi ddoovenyera wa Attiitthaaka, mwa mitteko ddenndda ttuuvi munapaalleenyu okivokhella malluku?”

Mateyu 27:23

Nave Pilato ahaakoha wi, “Enre tini yoonanara?” Vano yaakhuwa moollipiha wi, “Atthomeyiwe vamutandani.”

Mateyu 13:38

emateelle tti ellapo yavatthi. Mmiddo waphaamoolle tti athu ayo eniiwellella malamulo a mu omwene wa Mulluku koma nansongoloolle tti athu ayo eniiwellella malamulo a Oonanarooyo.

Mateyu 13:19

Athu attheene eniiwa othenga wa omwene koma kheniiwesesa, tti wonanko mmiddo wamorenlle muttilla. Oonanarooyo, annawa awaakha othenga woomiddiwa m'murimani mwiwa.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.

1 Atesalonika 2:14

Asinnihu ni arokorihu, nnddo ddeereyille wa nyuwaano tti ddoophwanaphwana ni ddeereyille o mipingo dda Mulluku o Yudeya wa athu a wenko oomuthwara Khrisitu Yesu. Mwaahoosiwa ni athu oowaninyu emoddamoddave yeeyo alliwattho yaahoosiwa ni Ayuda.

2 Samuele 13:22

Koma Abishalomu khaallotille erive ello yaphaama apaalle yoonanara wa Aminoni. Vawi Abishalomu aanamwiita wunchichi ekaamba yawi aamuwatihera Tamara, murokoriye weerana ddoonanara.

Miyambo 27:4

Osha murima onnawiiha ekuku nave onanariwa onnasefukella koma ehache ennattepa onanara okhwaranya ddittheddenenndda.

Mateyu 5:37

Mukhulleke ollota wi, ‘Ee’ mwaapaallaka waakhullella apaalle, ‘Iyaayi mwaapaallaka oruna.’ Mawu munaanjerereenyu mwaallupellaka enavenyera wa Oonanarooyo.”

Yohane 8:40

Koma munapaalla okiipha miyaano, kuulleelleemini yawoona eyo kiiwalleemi wa Mulluku. Koma Abrahamu khaaweerille wonanko nyuwaano!

Yohane 8:41

Nyuwaano muneera wonanko attiitthaanyu.” Yahaakhulla wi, “Hi khanaayariwe muuraruwani, nookhalla ni Attiitthiihu mmodda, Mulluku.”