1 Yohane 3:11 - Mawu a Mulluku

¹¹ Othenga mwiiwalleenyu ovenyera vawaamba tti wawi, ninaphwanella wi nikondaneke.

1 Yohane 3:11 ပူးပေါင်းရင်းမြစ်များ

Yohane 15:12

Lamulo naka tti nna wi mukondaneke mmodda ni mukhwaaye, wonanko mmo kinuukondelleemini.

2 Yohane 1:5

Nave vano kinimuuveka mutthiyana ookondiwa wi nikondaneke. Nginuulembella lamulo nanaanweene koma tti lamulo naakhenlleehu ovenyera vawaamba.

1 Yohane 4:7

Akhwaaka ookondiwa, hankoni nikondaneke kaambiiwa echikondi enavenyera wa Mulluku. Oyo anakonda tti ooyariwa wa Mulluku nave annamudduwella Mulluku.

1 Yohane 4:21

Lamulo nno Khrisitu anivahilleeye tti nawi, attheene enamukonda Mulluku enaphwanella emukondeke mwanamunniwa ni murokoriwa.

1 Petro 4:8

Yuullupalli ya yeella tti ya wi mukondaneke mmodda ni mukhwaaye mwawoona kaambiiwa echikondi sika enavuhellella machimo.

1 Petro 3:8

Voomallihella, attheenenyu munapaalleya muhikanganeke koma mumorellaneke ethakaraka. Mukondaneke wonanko muthu ni mwanamunne apaalle ni murokoriye nave mukhalleke ooreera murima ni awiiyeviha.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

1 Yohane 1:5

Vano othenga niiwalleehu ovenyera wa Mwanaye Yesu Khrisitu nave ninawullalleyeehu tti wawi Mulluku sika owala nave mwa olliyooyo epiphi kheyaamo.

1 Atesalonika 4:9

Khonapaalleyattho wi nuulembelleni ddawaakonda akhwiinyu ookhulupilila. Nyuwaano nyookha moohuddihiwa ni Mulluku mmo munakondellaneenyu.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

1 Timoteo 1:5

Yoolinga ya wuulamula waka tti yawi waahuddihe athu okondana ovenyera m'murimani waweella ni yawuupusella murima yooreera ni echikhulupililo yawoona.

Agalatiya 6:2

Mukaviheraneke oreya ddookatamiha dda mmodda ni mukhwaaye nave mu ettilla yeella muneerewooniha wi munnamwiiwellella Khrisitu.

Yohane 13:4

Sika ahiimella vamugoneloni valle arulla yawiikhuneellaaye nave akusa mpango amakella muyuununi mwaye.

1 Yohane 4:11

Akhwaaka ookondiwa, Mulluku aanikondaka mwawi ddiidda, sika ninaphwanella wi nikondaneke.