1 Yohane 3:10 - Mawu a Mulluku

¹⁰ Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

1 Yohane 3:10 ပူးပေါင်းရင်းမြစ်များ

1 Yohane 4:8

Oyo ahinakonda khanamudduwella Mulluku vawi Mulluku sika echikondi.

3 Yohane 1:11

Mukhwaaka ookondiwa, ohittakihere eyo eri yoonanara koma ottakihere eyo eri yaphaama. Oyo aneera ddaphaama tti oovenyera wa Mulluku koma oyo aneera yoonanara khaamoonille Mulluku.

1 Yohane 4:21

Lamulo nno Khrisitu anivahilleeye tti nawi, attheene enamukonda Mulluku enaphwanella emukondeke mwanamunniwa ni murokoriwa.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Mateyu 13:38

emateelle tti ellapo yavatthi. Mmiddo waphaamoolle tti athu ayo eniiwellella malamulo a mu omwene wa Mulluku koma nansongoloolle tti athu ayo eniiwellella malamulo a Oonanarooyo.

Yohane 8:47

Oyo anavenyera wa Mulluku anniiwa mawu a Mulluku. Koma nyuwaano khe oovenyera wa Mulluku sika ekaambiiwa muhiniiweenyu.

Luka 6:35

Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

1 Yohane 4:6

Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

Aefeso 5:1

Vawi nyuwaano tti anamwani ookondiwa a Mulluku, munaphwanella okhalla wonanko olliye.

1 Yohane 5:2

Naamukondaka Mulluku ni wiiwellella malamulwaaye sika ninaadduwellelleehu wi ninnaakonda anamwani a Mulluku.

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

Mitteko 13:10

Nave allota wi, “Mwaana a Satana we! Nave mudani a ddeko ddittheddene dda echilungamo, ooddalliwa ni ddeko ddittheddene ddawoottha. Ethiyo khohiya orukunusa yawoona ya Apwiya wi ekhalle yoolleka?

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

2 Samuele 13:22

Koma Abishalomu khaallotille erive ello yaphaama apaalle yoonanara wa Aminoni. Vawi Abishalomu aanamwiita wunchichi ekaamba yawi aamuwatihera Tamara, murokoriye weerana ddoonanara.

Yohane 1:12

Koma attheene ayo yamwaakhenlle olliye ahaavaha masiva wi ekhalle anamwani a Mulluku, wa ayo yakhulupililalle nnddina naye.

Yohane 11:52

ohiri munipuroni na mutundu yooyove komattho wi aatthukumanihe vamodda anamwani a Mulluku ayo yaapallalleyille.

Aroma 13:8

Muhikhalle ni ekongoli ni arive muthu. Ekongoli munaphwanelleenyu okhallana tti yookondana mmodda ni mukhwaaye vawi oyo anamukonda mukhwaaye ookwakhwaniha malamulo.

Akolose 3:14

Nave va makhallello yaalla, mupwesererevo echikondi, eyo enamakellella ddeko ddittheddene vamodda okhalla emodda yaphaama.

1 Timoteo 1:5

Yoolinga ya wuulamula waka tti yawi waahuddihe athu okondana ovenyera m'murimani waweella ni yawuupusella murima yooreera ni echikhulupililo yawoona.

1 Yohane 3:1

Ngoonani mmo Attiitthiihu enanikondelliiwa wawi ninnaromolliwa anamwani a Mulluku. Ddawoona hiyaano tti anaaye. Ellapo yavatthi khenanidduwella kaambiiwa khenamudduwella Mulluku.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.