1 Yohane 2:8 - Mawu a Mulluku

⁸ Koma lamulo kinuulembelleemini vano tti na naanweenettho nave yawooniiwa ennooneya mwa Khrisitu navettho mwa nyuwaano. Vawi epiphi enimamalla nave owala wawoona onnamolleella.

1 Yohane 2:8 ပူးပေါင်းရင်းမြစ်များ

Aefeso 5:8

Khalle mwaari mwiipiphini koma vawi mootthattusiwa athu a Apwiya, muri mu owala. Sika munaphwanella mukhalleke wonanko athu a mu owala,

Aroma 13:12

Mahiiyu ehanlle vang'ono omalla nave ohinase wohaatamella. Sika hankoni nihiye mitteko dda mwiipiphini nave niware ddoowanella ekhoto dda mu owala.

Yohane 13:34

Nave kinuuwiherani lamulo nanaanweene wi mukondaneke mmodda ni mukhwaaye. Mukondaneke mmodda ni mukhwaaye wonanko mmo kinuukondelleemini.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Yohane 1:9

Nngu sika owala wawoona nko onavollowa mu ellapo yavatthi ni omolleella va athu attheene.

Yohane 12:46

Mi tti owala wawiille mu ellapo yavatthi wi arive muthu anakhulupilila mwa miyaano ahikhalle mu epiphi.

1 Yohane 4:21

Lamulo nno Khrisitu anivahilleeye tti nawi, attheene enamukonda Mulluku enaphwanella emukondeke mwanamunniwa ni murokoriwa.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

1 Yohane 4:11

Akhwaaka ookondiwa, Mulluku aanikondaka mwawi ddiidda, sika ninaphwanella wi nikondaneke.

2 Timoteo 1:10

Nave vano ddenndda ddohuupullulliwa wa hiyaano mwa wooneya wa oovullusaahu, Khrisitu Yesu. Aahiiha okhwa nave ohooniha vaweella okumi woohimalla oweella mwa othenga waphaama.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

Masalimo 36:9

Mwa nyuwaano mookhalla neetuutu a okumi, mu owala wanyu naheenettho ninnoona owala.

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Yohane 12:35

Yesu ahaakhulla wi, “Owala onaakhalle ni nyuwaano mu enthawi yooyeva. Etani vano muriinyuna owala wi epiphi ehuuphwanyeni. Oyo aneeta mwiipiphini khanadduwella nko anayeeye.

Mateyu 4:16

athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Yesaya 9:2

Athu ayo yeeta mwiipiphini ahoona owala wunchichi. Ayo yakhalla mu epiphi yawoopiha owala wohaaphiyera.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

1 Yohane 3:23

Eyo analamuleeye tti yawi nimukhulupilileke Mwanaye Yesu Khrisitu nave nikondaneke, wonanko mmo aanilamulalleeyettho.