1 Yohane 2:6 - Mawu a Mulluku

⁶ Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.

1 Yohane 2:6 ပူးပေါင်းရင်းမြစ်များ

1 Petro 2:21

Mulluku aawiithanellani ohoosiwa vawi Khrisitu mwaneena aahoosiwa ekaamba ya nyuwaano nave ahuuhiyerani echisanzo wi muthware manyallwaaye.

Yohane 13:15

Vawi kohuuvahani echisanzo wi mweereke wonanko mmo kiweerelleemini.

1 Akorinto 11:1

Khallani ookittakihera miyaano wonanko miyaanottho kinamuttakiherelleemi Khrisitu.

1 Yohane 3:6

Sika arive muthu anakhalla mu eyaattano ni Khrisitu khanavirellella ochimwa. Koma oyo anavirellella ochimwa khanamoone Khristu apaalle khanamudduwelle.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

1 Yohane 2:4

Ayo enallota wi ennamudduwella koma kheniiwellella malamulwaaye, tti awoottha nave mwa alliwaayo yawoona kheyaamo.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

Masalimo 85:13

Echilungamo eneerewaahoollella, eneeromookollella meetellwaaye.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

1 Yohane 3:24

Ayo eniiwellella malamulo a Mulluku ennakhalla mu eyaattano ni Mulluku nave Mulluku annakhalla mu eyaattano ni alliwaayo. Nave ekaamba ya Munepa oyo Mulluku anivahilleeye, ninnadduwella wi Mulluku annakhalla mu eyaattano ni hiyaano.

1 Yohane 4:17

Mwawi ddiidda echikondi yookhalla yawoona mwa hiyaano sika wi nikhalle oollipa murima va nllapo na echiweruzo kaambiiwa niri wonanko Yesu naari nikhallakave mu ellapo yavattheella.