1 Yohane 2:5 - Mawu a Mulluku

⁵ Koma attheene ayo eniiwellella mawaaye, ddawoona, alliwa tti athu ayo echikondiiwa ya va Mulluku yeeriwe wi ekhalle yaphaama. Mmu sika ninadduwellelleehu wi niri mu eyaattano ni Mulluku.

1 Yohane 2:5 ပူးပေါင်းရင်းမြစ်များ

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yohane 14:21

“Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

1 Yohane 3:24

Ayo eniiwellella malamulo a Mulluku ennakhalla mu eyaattano ni Mulluku nave Mulluku annakhalla mu eyaattano ni alliwaayo. Nave ekaamba ya Munepa oyo Mulluku anivahilleeye, ninnadduwella wi Mulluku annakhalla mu eyaattano ni hiyaano.

Masalimo 119:2

Oodala tti ayo enasunga malamulo a Apwiya, ayo enawaashaasha ni murimiiwa muttheene,

Yawuupullulla 14:12

Vano nngu sika wiithaniwa wa athu a Mulluku ayo enathwara malamulwaaye wi evillelleke ni okhalla oororomelleya wa Yesu.

1 Yohane 5:2

Naamukondaka Mulluku ni wiiwellella malamulwaaye sika ninaadduwellelleehu wi ninnaakonda anamwani a Mulluku.

Yohane 15:5

“Mi tti muteekho wa mpesa nave nyuwaano sika enthambi. Ayo enakhalla mwa miyaano nave miyaano mwa alliwa oneerewimma ezipaso vawi khamuwora weera ello kaahikhallavo miyaano.

Ezekiele 36:27

Kineerohiya munepaaka mwa nyuwaano nave kineeroweerihani wi muthwareke malangizwaaka ni osunga malamulwaaka.

1 Yohane 4:18

Mu echikondi khamuri woova. Echikondi yawoona ennakhumiha vaatte orive woova. Sika vano, echikondi khenakhalla yawoona mwa arive muthu oyo anoova kaambiiwa muthu aawoovaka sika wi anoova ollakiwa.

Masalimo 119:146

Kinnawinllellani, kivulluseni wi kithwareke malamulwaanyu.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Yawuupullulla 12:17

Enowa yuullupalleelle yaasha murima ni mutthiyanooyo nave evira wi yawane ekhoto ni anaaye oohalla a mutthiyanooyo, yaalla sika athu attheene enathwara malamulo a Mulluku ni ovelleella omboni dda Yesu.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Yakobo 2:22

Vano wohoona wi echikhulupilwaaye yaheereya nimodda ni mitteko ddaye vawi echikhulupilwaaye yaheeriwa yaphaama ekaamba ya mitteko ddaye.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Yohane 6:56

Ayo enacha mwiillaaka ni owirya nikhame naka enakhalla mwa miyaano nave miyaano kinakhalla mwa alliwa

Oollalleya 8:5

Oowiiwellella malamulwaaye khenna erive yookatamiha. Muthu eezeru annadduwella enthawi ni ettilla yaweerella ddeko ddittheddene.

Masalimo 106:3

Oodala tti athu oosunga echiweruzo, aweera echilungamo enthawi ettheene.

Miyambo 8:32

“Vano anaaka, apellani maaru, oodalisiwa tti ayo enasunga ettilla ddaka.

Masalimo 119:4

Moovelleella malamulwaanyu, moolamula wi ethwariwe moororomelleya.

Miyambo 28:7

Oosunga malamulo tti mwaana eezeru koma mukhwiiwa a oottutthuwa annaawulliha muru attiitthinnya.

Masalimo 105:45

wi athwiiwa esungeke malangizo, ethwareke malamulwiiwa mattheene. Aleluya!

1 Yohane 4:17

Mwawi ddiidda echikondi yookhalla yawoona mwa hiyaano sika wi nikhalle oollipa murima va nllapo na echiweruzo kaambiiwa niri wonanko Yesu naari nikhallakave mu ellapo yavattheella.

2 Yohane 1:6

Echikondi kinaakeemi tti wawi ninaphwanella nikhalleke awiiwellella malamulo a Mulluku. Lamulo nno mwiiwalleenyu ovenyera vawaamba, tti nawi attheene mukhalleke ookondana.