1 Yohane 2:3 - Mawu a Mulluku

³ Niiwellella malamulo a Mulluku, sika ninnasimikiza wi ninnamudduwella.

1 Yohane 2:3 ပူးပေါင်းရင်းမြစ်များ

Yohane 14:15

“Mwaakikondaka miyaano muneerothwara malamulwaaka.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

1 Yohane 5:3

Vawi omukonda Mulluku onattaphullella wiiwellella malamulwaaye. Nave malamulwaaye khehiyo ookatamiha,

Luka 6:46

“Munakiithanella tini wi, ‘Apwiya, Apwiya,’ muheeraka kinalloteemi wa nyuwaano?

Yohane 15:14

Nyuwaano tti akhwaaka mweera kinuulamuleemini.

1 Yohane 4:13

Ninnadduwella wi ninnakhalla mu eyaattano ni Mulluku nave wi olliye anakhalla mu eyaattano ni hiyaano kaambiiwa oonivaha munepaaye.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

Masalimo 119:32

Kineerothwara moohakallalla ettilla dda malamulwaanyu, mwakoonjerera ezeru.

1 Yohane 3:19

Vano naawaakondaka amodda ninnadduwella wi ninakhalla mu yawoona. Navettho mmu sika ninakhalleehu oollipa murima vamiitthoni va Mulluku.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

1 Yohane 3:14

Ninnadduwella wi noohiyana ni okhwa nave noophiya mu okumi kaambiiwa ninnaakonda asinnihu ni arokorihu. Ayo ehinakondana aakhallave vatthi va masiva a okhwa.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Masalimo 119:6

Vano ngiwulliwa muru, kathwara malamulwaanyu mattheene.

1 Yohane 2:13

Kinuulembellani nyuwaano makhollo kaambiiwa munnamudduwella oyo arivo ovenyera vawaamba. Kinuulembellani nyuwaano asombwe kaambiiwa moomugonjiha Oonanaroolle.

1 Yohane 3:6

Sika arive muthu anakhalla mu eyaattano ni Khrisitu khanavirellella ochimwa. Koma oyo anavirellella ochimwa khanamoone Khristu apaalle khanamudduwelle.

1 Yohane 4:7

Akhwaaka ookondiwa, hankoni nikondaneke kaambiiwa echikondi enavenyera wa Mulluku. Oyo anakonda tti ooyariwa wa Mulluku nave annamudduwella Mulluku.

1 Yohane 5:2

Naamukondaka Mulluku ni wiiwellella malamulwaaye sika ninaadduwellelleehu wi ninnaakonda anamwani a Mulluku.

Yawuupullulla 12:17

Enowa yuullupalleelle yaasha murima ni mutthiyanooyo nave evira wi yawane ekhoto ni anaaye oohalla a mutthiyanooyo, yaalla sika athu attheene enathwara malamulo a Mulluku ni ovelleella omboni dda Yesu.

Yawuupullulla 14:12

Vano nngu sika wiithaniwa wa athu a Mulluku ayo enathwara malamulwaaye wi evillelleke ni okhalla oororomelleya wa Yesu.