1 Yohane 2:28 - Mawu a Mulluku

²⁸ Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

1 Yohane 2:28 ပူးပေါင်းရင်းမြစ်များ

1 Yohane 4:17

Mwawi ddiidda echikondi yookhalla yawoona mwa hiyaano sika wi nikhalle oollipa murima va nllapo na echiweruzo kaambiiwa niri wonanko Yesu naari nikhallakave mu ellapo yavattheella.

Mariko 8:38

Muthu aawulliwaka muru ekaamba ya miyaano ni mawaaka wa athu a mbadoolla, ooraruwa ni oochimwa, vano mi, Mwaana a Muthu, kineerowulliwa muru ni olliye kaawaaka mu ntitimiho na Attiitthaaka ni angelo aweella.”

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

1 Yohane 3:21

Sika vano, akhwaaka ookondiwa, murimaahu waahinivaanya nineerollipa murima vamiitthoni va Mulluku.

Akolose 3:4

Okumaanyu tti omurumeyella Khrisitu nave ooneya, sika nanyeenettho muneerewooneya ni olliyooyo nave muneerokhalla ni ntitimiho naye.

1 Yohane 2:1

Kinuulembellani nyuwaano, anaaka wi muhichimweke. Koma mmodda achimwa, nookhalla ni oonipepesella wa Attiitthiihu, sika Yesu Khrisitu, oolungama.

1 Atesalonika 3:13

Mwa yeella aneerewuullipihani mirima ddanyu nave muneerokhalla aphaama ni aweella vamiitthoni va Mullukwaahu ni Attiitthiihu yaawaaka Apwiihu Yesu vamodda ni athwaaye attheene.

Malaki 3:2

Ttaani anaawore anaavillelle nllapo na owa wiwa? Ttaani aniimelle alliwa yaakhumellella? Vawi enaakhalle wonanko munllo wa aweeka mikoko apaalle sopo aweelliha.

1 Yohane 5:14

Noollipa murima vamiitthoni va Mulluku kaambiiwa ninnasimikiza wi annaniiwa namuveka erive ello moollikana ni opaalla waye.

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Aheberi 9:28

Emoddamoddave yeeyo Khrisitu aaheraatthiwa mukutho omodda wi atukhulle ni ohuwa machimo a athu anchichi. Aneeroowa wiilli oohikhalla wi eellihe machimo koma aavulluse ayo enamutiyera.

1 Atesalonika 2:19

Vawi tti nyuwaano yootiyerellaahu, yoohakallallihaahu ni yookotellaahu va opambana wahu vamiitthoni va Apwiya Yesu va owa waye.

1 Akorinto 1:7

Sika kheyiivo emphaso ya Mulluku muyelleelleenyu, munatiyereenyu wuupullulliwa wa Apwiihu Yesu Khrisitu yaawaaka.

Aroma 9:33

nno mawu a Mulluku enallota dda nenno wi, “Kinnakeraatthiha nlluku mu Ziyoni nno ninaakwakwatuwihe athu, nlluku nno ninaakuhe. Koma oyo anamuroromella olliye khawa awullihiwa muru.”

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

1 Timoteo 6:14

Kinimuulamula wi wiiwellelle malamulo yaalla moohikayikella ni moororomelleya ophiyera nllapo noophiya Apwiihu Yesu Khrisitu.

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.

1 Akorinto 15:23

Nave arive muthu aneerovenyihiwa va enthawaaye. Vawaamba va attheene, Khrisitu, vatulli viwa ayo eri aaye a Khrisitu va enthawi anaaweeye.

Malaki 4:5

“Ngoonani, nllapo nuullupalli ni nawoopiha nihinaphiye, kineerewuurumihellani namallotella Eliya.

Yesaya 25:9

Nllapo nenno arive muthu aneerollota wi, “Olla sika Mullukwaahu! Naamuroromella wi aneeronivullusa vawi olliye tti Apwiya. Naamuroromella vano hankoni nihakallalle ni othapella ekaamba yawi oonivullusa.”

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

Yesaya 45:17

Koma Israele anavullusiwa ni Apwiya, ovullusiwa waye oneerokhallavo wa enthawi yoohimalla. Athwaaye khewa ewulliha muru, khewa evevulliwa.’ ”

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 16:28

Ddawoona, kinimuulleellani wi, aakhallavo amodda vaava khewa ekhwa ophiyera ekoonille mi, Mwaana a Muthu kiwaaka wi kilamulelle wonanko mwene.”

Luka 17:30

Ddinaakhalle ddiiddo va nllapo na miyaano, Mwaana a Muthu, kawa kooneya.

Aefeso 3:12

Mu eyaattano ni Khrisitu ni oyeella mu echikhulupilwaahu mwa olliye, ninnallipa murima oya vamiitthoni va Mulluku moohikayikella.