1 Yohane 2:22 - Mawu a Mulluku

²² Vano awoottha ttaani? Tti ayo enallota wi Yesu khe Mesiya.* Athu yaayo tti adani a Khrisitu, enaakhoota Attiitthinnya ni Mwaaneene.

1 Yohane 2:22 ပူးပေါင်းရင်းမြစ်များ

2 Yohane 1:7

Ahuddihi awoottha anchichi ahooneya mu ellapo yavatthi ettheene, ayo ehinaakhullella wi Yesu Khrisitu aawa wonanko muthu. Muthu awi ddiiddo tti awoottha navettho tti mudani a Khrisitu.

1 Yohane 4:3

Koma oyo anakhoota wi Yesu Khristu aawa wonanko muthu, khanna Munepa a Mulluku. Munepa ariiyena tti woovenyera wa Mudani a Khrisitu. Mwahiiwa wi oneeroowa nave vano ori mommu mu ellapo yavattheella.

1 Yohane 2:18

Anaaka, enthawi yoomalliha yohaatamella! Mwaalleelliwa wi Mudani a Khrisitu animawa. Koma vano adani a Khrisitu ahooneya khalle, sika vano ninnadduwella wi enthawi yoomalliha yohaatamella.

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.

1 Yohane 4:20

Nallota wi ninnamukonda Mulluku koma ninawiita asinnihu ni arokorihu hiyaano tti awoottha. Vawi athu khewora omukonda Mulluku oyo ehimoonilliiwa, ehaakondaka asinniwa ni arokoriwa, ayo ewoonilliiwa.

1 Yohane 2:23

Vawi attheene enamukhoota Mwaana enaakhootattho Attiitthinnya. Ayo enamwaakhella Mwaanooyo aakhallattho ni Attiitthinnya.

1 Yohane 1:6

Vano naallotaka wi nookhalla ni eyaattano ni olliyooyo nave enthawi yeeyo ninakhalla mwiipiphini, ninnoottha mu mawaahu ni mu ddaweera ddahu.

1 Yohane 2:4

Ayo enallota wi ennamudduwella koma kheniiwellella malamulwaaye, tti awoottha nave mwa alliwaayo yawoona kheyaamo.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

Mateyu 24:5

Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave eneerowoottottha athu anchichi.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.