1 Yohane 2:20 - Mawu a Mulluku

²⁰ Nave nyuwaano mwaakhalla ni Munepa Waweella woohelliwa va nyuwaano ni Khrisitu sika attheenenyu munnadduwella yawoona.

1 Yohane 2:20 ပူးပေါင်းရင်းမြစ်များ

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Miyambo 28:5

Athu oonanara kheniiwesesa echiweruzo koma ayo enawaashaasha Apwiya enniiwesesa wunchichi.

Masalimo 23:5

Munnakikhonzera yoocha adanaaka yoonaka, munnakaakhella phaama voozozani murwaaka makhura, munnamuddalliha kapwaaka ophiyera osefukella.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

Aheberi 1:9

Munnakonda echilungamo nave munniitana ni ddoonanara. Miyaano Mullukwaanyu kuutthoonlleni ekaamba ya yeella nave kohuuriihani vawuuvahani ehakallallo yuullupalli ohiyana ni eyo kaavahilleemi akhwiinyu.”

1 Yohane 4:13

Ninnadduwella wi ninnakhalla mu eyaattano ni Mulluku nave wi olliye anakhalla mu eyaattano ni hiyaano kaambiiwa oonivaha munepaaye.

Masalimo 45:7

Munnakonda echilungamo, munniitana ni ddoonanara. Sika ekaambiiwa Mulluku, Mullukwaanyu, uuzozilleeyeni ni makhura oohakallalliha waakhwaranya akhwiinyu attheene.

Mitteko 3:14

Mwaamukhoota oyo aari aweella ni oolungama nave mwaamuveka Pilato wi uuttaphullelleni muthu awiipha.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Mariko 1:24

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Masalimo 92:10

Koma moowelliha nnyaka naka wonanko enari, mookizoza makhura anaanweene.

Masalimo 71:22

Nyu Mullukwaaka, kineerewuutitimihani ni zeze ekaamba ya ororomelleya wanyu. Nyu Aweella a Israele, kineerewiipa machipo awuuriihani ni ezida dda enthambo.

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

Yawuupullulla 3:7

“Omulembelle oohoollella a mpingo wa o Filadelfiya wi, “Alla sika mawu oovenyera wa oyo ari aweella ni awoona, oyo arina makiiyi a olamulello a Davide nave ahulla nchiwi khaavo muthu anaawore owalla navettho awalla khaavo muthu anaawore ohulla awi,

Aheberi 8:11

Khavipaalleyattho wi muthu amuhuddihe mukhwaaye, apaalle ollota wa mukhwaaye wi, ‘Waadduwelle Apwiya.’ Vawi attheenaayo eneerokidduwella miyaano, waambeella wa mung'onong'ono, ophiyera wa muullupalli.

1 Akorinto 2:15

Oyo arina Munepa, annawora odduwella oreera wa erive ello nave khaavo anamudduwella olliye.

Luka 4:34

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Yesaya 43:3

Mi tti Apwiya Mullukwaawo, Aweella a Israele, Oovullusaawo. Kinamvelleella Iguputo voowoopollani weyaano, kinamvelleella Kushi ni Seba munipuroni mwa weyaano.

Masalimo 16:10

Miyaano oororomelleyaanyu, khamukihiya o ellapo ya ookhwa, khamwaakhullella wi kuntelle mu mahame.

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Yuda 1:5

Naari mwadduwenlle khalle ddittheddene vano kinapaalla kiwuupuseni wi Apwiya yaavullusa Aisraele ovenyera o Iguputo koma vatulli viwa yaawoononga attheene a alliwaayo ayo yahikhulupilila.

Levitiko 7:35

Yeeyo tti embali ya Aroni ni anaaye, yoovahulla va mikutho dda Apwiya ddawoosiwa viikho, va nllapo nno alliwa yatthoolliwiiwa wi ekhalle mullupa mukutho owaarumeyella Apwiya.