1 Yohane 2:17 - Mawu a Mulluku

¹⁷ Ellapo yavatthi ni erive ello eri mwemmo eyo athu enakhallelliiwa munkhella ennamalla koma ayo eneera ddoopaalla dda Mulluku ennakhalla ni okumi woohimalla.

1 Yohane 2:17 ပူးပေါင်းရင်းမြစ်များ

Mateyu 24:35

Oddullu ni ellapo yavatthi ddineeromalla koma mawaaka khemalla.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

1 Akorinto 7:31

ayo enaphariha mutteko ddeko dda vatthimva ekhalleke wonanko khennana mutteko ddekonnddo. Vawi ellapo yavattheella, mmo enooneyelliiwammu, khellekella omalla.

1 Petro 4:2

Vano waambeella enthawi yeella ophiyera muhoollo, okhalla wanyu wa va ellapo yavatthimva onaphwanella ohoollelliweke ni opaalla wa Mulluku ohiri ni minkhella dda omuthu.

Aheberi 10:36

Muvillelleke, sika wi mwamalliha weera yoopaalla ya Mulluku muneerewaakhella nnddo alonjezilleeye.

Mariko 3:35

Oyo aneera ddoopaalla dda Mulluku sika mwanamunnaka, murokoraka ni amoowaaka.”

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

1 Atesalonika 4:3

Mulluku anapaalla wi mukhalle aweella ni wi muhikhalle ooraruwa.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Masalimo 143:10

Kihuddiheni weera ddoopaalla ddanyu vawi nyuwaano tti Mullukwaaka. Munepaanyu waphaama okihoollelle va yoomwaramwarelliwa phaama.

Mateyu 7:21

“Khe arive muthu anakiithana wi, ‘Apwiya, Apwiya’ anaavollowe mu omwene wa Mulluku. Vawi weera ddiiddo khonakwakhwanella koma ayo eneera ddoopaalla dda Attiitthaaka ooddullu sika enaavollowe.

Yakobo 4:14

Khamunadduwella wi osiisello okumaanyu onaakhalle mwawiidde! Nyu muri wonanko mwiisi, oyo onooneya enthawi yooyeva nave vano opallalleya.

Yohane 6:58

Miyaano sika buledi ookittha ovenyera oddullu, nginapwanaphwana ni buledi oyo yaamuchille makhollwaanyu vawi yaakhwa. Koma ayo enamucha buledaakoolla eneerokhalla ni okumi woohimalla.”

Mateyu 21:31

Ttaani mwa eellaalle enre yapanlle attiitthiiwa.” Yaamwaakhulla wi, “Awaamboolle.” Sika Yesu aallota wi, “Ddawoona, kinimuulleellani wi ookhomiha misonkho ni atthiyana ooraruwa eneerohoolla ovollowa mu omwene wa Mulluku nyuwaano muhinavollowe.

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Akolose 4:12

Epafra, mmodda a mullokwaanyu ni oorumeyella a Khrisitu Yesu anuuvahanittho mooni. Enthawi ddittheddene annallipihella wuuvekellani, omuveka Mulluku wi aweereni oohitikheya, oowaraalla mu echikhulupililo ni oosimikiza wiiwellella yoopaalla ya Mulluku.

Miyambo 10:25

Namangalle aawoopaka athu oochimwa ennavavihiwa koma oolungama ennakeraattheya wa enthawi yoohimalla.

Akolose 1:9

Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Masalimo 90:9

Vallethi mallapwaahu ennayeva ekaamba ya onanariwa wanyu, miyakha ddahu ddinnamalla wonanko ovuma omodda.

Masalimo 39:6

Ddawoona, muthu ari wonanko muuthuuchi, annakatamihiwa ni ddoohikhalla ni mutteko, annasunga eyuuma moohidduwella oyo anaayiche.

Masalimo 102:26

Ddenndda ddineeromalla koma nyuwaano muneerokhallavove, ddittheddene ddineerewaahuwa wonanko ddoowara muneerewaakakhaniha wonanko ddoowara ddawaahuwa.